भारताकडून पाकिस्तानचा सफाया, गटात अव्वल स्थान

भारत आणि पाकिस्तान या कट्टर प्रतिस्पर्धींमध्ये रंगणारी प्रत्येक लढत ही रोमहर्षक असते..

ओमान : भारत आणि पाकिस्तान या कट्टर प्रतिस्पर्धींमध्ये रंगणारी प्रत्येक लढत ही रोमहर्षक असते.. मग ती लढत क्रिकेटच्या मैदानावर असो किंवा हॉकी टर्फवर... शनिवारी रात्री अशाच एका थरारक सामन्यात भारतीय पुरुष हॉकी संघाने आशियाई अजिंक्यपद चषक स्पर्धेत पाकिस्तानचा 3-1 असा सफाया केला. भारताने या स्पर्धेत सलग दोन विजयांची नोंद करताना गटात अव्वल स्थान कायम राखले आहे.

The Indian Men's Hockey Team defeat Pakistan to earn their second successive victory at the Hero Asian Champions Trophy 2018 by a 3-1 result. Here are the snapshots from this match played on 20th October: https://t.co/mZF9tKoKWC

#IndiaKaGame#HeroACT2018pic.twitter.com/trZ2oD5EEn

— Hockey India (@TheHockeyIndia) October 21, 2018

पाकिस्तानने पहिल्याच मिनिटाला इरफान ज्युनियरच्या गोलच्या जोरावर 1-0 अशी आघाडी घेतली. मात्र, त्यांना भारतीय खेळाडूंच्या आक्रमकतेचा अंदाज बांधता आला नाही. भारताने अवघ्या 41 मिनिटांत तीन गोल करत 3-1 अशी आघाडी घेतली. मनप्रीत (24 मि. ), मनदीप ( 33 मि.) व दिलप्रीत ( 42 मि.) यांनी प्रत्येकी एक गोल केला. 
2010 ते आत्तापर्यंत भारताने 19 वेळा पाकिस्तानला नमवले आहे. भारताने या कालावधीत 102 गोल्सचा पाऊस पाडला आहे. याउलट पाकिस्तानला केवळ 8 विजय मिळवता आले आणि त्यांनी 62 गोल्सही केले. 

#INDvPAK men's hockey H2H since 2010....
India won 19 (goals: 102)
Pakistan won 8 (goals: 62)
Drawn: 8#AsianChampionsTrophy#Muscat

— Mohandas Menon (@mohanstatsman) October 21, 2018