Water in lungs reasons : फुप्फुसं आपल्या शरीरातील महत्वाचा अवयव आहे. पण अनेकदा काही लोकांच्या चुकांमुळे फुप्फुसांमध्ये किंवा छातीत पाणी भरतं. ज्याला मेडिकल भाषेत पल्मोनरी एडिमा म्हणतात. ही एक गंभीर समस्या आहे. अडचण तेव्हा जास्त होते जेव्हा पाणी फुप्फुसात श्वसनलिकेत जमा होतं. याने व्यक्तीला श्वास घेण्यास अडचण येते. म्हणजे जीवाला धोका होऊ शकतो.
फुप्फुसात पाणी भरण्याची कारणे
मेयो क्लीनिकनुसार, फुप्फुसात पाणी भरण्याचं मोठं कारण हृदयरोग आहे. पण इतरही काही कारणांमुळे फुप्फुसात पाणी भरतं. निमोनिया, काही विषारी पदार्थांच्या संपर्कात येणे, काही औषधं, छातीवर आघात होणे आणि उंचावर चढणे किंवा एक्सरसाइज करतानाही फुप्फुसात पाणी जाऊ शकतं
लक्षणे
फुप्फुसात पाणी भरल्याने श्वास घेण्यास त्रास, कफातून रक्त येणे, हृदयाचे ठोके वाढणे, त्वचा थंड होणे, श्वास घेताना धाप लागणे, थकवा, अस्वस्थता, चिंता, पाय आणि शरीराच्या इतर भागावर सूज येणे यांचा समावेश आहे. इतरही काही लक्षणे खालीलप्रमाणे सांगितली जातात.
- खोकला
- जास्त घाम येणे
- चिंता व अस्वस्थता
- घाबरल्यासारखं वाटणे
- त्वचा पिवळी पडणे
- श्वास घेताना अडचण
- हृदयाचे ठोके वाढणे
- छातीत दुखणे
- सपाट झोपल्यावर श्वास घेण्यास अडचण
- पायांवर सूज
घरगुती उपाय
mayoclinic च्या रिपोर्टनुसार, जर तुम्हाला ही समस्या असेल तर डॉक्टरांच्या सल्ल्याने हेल्दी डाएट घेतली पाहिजे. तुम्ही आहारात ताजी फळं, हिरव्या भाज्या, नट्स, शेंगा, दूध, केळी, बिया यांचा समावेश केला पाहिजे.
काय करू नये?
1) शरीरात जास्त प्रमाणात मीठ असेल तर याने जास्त तरल पदार्थ तयार होतात. शरीर निरोगी ठेवायचं असेल तर मिठाचं सेवन कमी करा.
2) स्मोकिंग केल्याने या स्थितीत समस्या आणखी गंभीर होऊ शकते. इतकंच नाही तर तुम्हाला सेकंड हॅंड धुरापासूनही बचाव केला पाहिजे.
3) मद्यसेवन आणि इतर नशेच्या पदार्थांच सेवन बंद करा. याने पल्मोनरी एडिमा समस्या होऊ शकते.
4) जास्त फिजिकल अॅक्टिविटी केल्याने पल्मोनरी एडिमाची लक्षणे आणखी बिघडू शकतात. जर तुम्ही काही जड काम करत असाल तर तुम्ही तुमच्या श्वसन तंत्राला आराम देण्यासाठी दर एका तासाने छोटा ब्रेक घ्या.