गोंदिया : जिल्ह्यात दररोज वाढत असलेल्या बाधितांच्या संख्येनुसार कंटेन्मेंट झोनची संख्याही वाढत चालली असून, रविवारपर्यंतची स्थिती बघता जिल्ह्यात ४५ कंटेन्मेंट झोन तयार करण्यात आले आहेत. यामध्ये सडक-अर्जुनी तालुका आघाडीवर असून, तेथे सर्वाधिक १४ झोन तयार करण्यात आले आहेत. तर दुसऱ्या क्रमांकावर गोंदिया तालुका असून, येथे ११ झोन तयार करण्यात आले आहेत. या संपूर्ण कंटेन्मेंट झोनमध्ये ७३५ रुग्णांचा समावेश आहे.
रविवारपर्यंतची आकडेवारी बघता जिल्ह्यात ३,११५ क्रियाशील रुग्ण होते. यातील २,३२४ रुग्ण घरीच अलगीकरणात आहेत. विशेष म्हणजे, मोठ्या संख्येत रुग्ण घरीच अलगीकरणात असून त्यांच्याकडून असलेल्या चुकांमुळे अन्य लोकांना कोरोनाची लागण होण्याचा धोका जास्त असतो. अशात घरीच अलगीकरणात असलेल्या बाधितांवर लक्ष ठेवण्यासाठी व त्यांच्या इतरांना धोका उद्भवू नये यासाठी कंटेन्मेंट झोन तयार केले जात आहे. त्यानुसार जिल्ह्यात आता ४५ कंटेन्मेंट झोन तयार करण्यात आले आहेत. यामध्ये सर्वाधिक १४ कंटेन्मेंट झोन सडक-अर्जुनी तालुक्यात आहेत, तर दुसऱ्या क्रमांकावर गोंदिया तालुका असून, येथे ११ झोन आहेत. या एकूण ४५ कंटेन्मेंट झोनमध्ये ७३५ रुग्ण असून त्यांच्यावर लक्ष ठेवण्यासाठी कंटेन्मेंट झोन तयार करण्यात आले आहेत.
------------------------------------
ग्रामीण भागात कोरोनाचा कहर
जिल्ह्यात कोरोना कहर करीत असून, गोंदिया शहरासह तालुका कोरोना हॉटस्पॉट ठरला आहे. मात्र एवढ्यावरच कोरोना थांबला नाही, ग्रामीण भागातही कोरोनाचा कहर सुरूच आहे. हेच कारण आहे की, जिल्ह्यातील सर्वच तालुक्यांत आता कंटेन्मेंट झोन तयार करण्यात आले आहेत. अशात आता नागरिकांनी स्वत:च्या व कुटुंबाच्या सुरक्षेसाठी नियमांचे काटेकोरपणे पालन करणे गरजेचे आहे.
--------------------------------
कंटेन्मेंट झोनचा तालुकानिहाय तक्ता
तालुका झोनची संख्या रुग्णसंख्या
गोंदिया ११ १९९
तिरोडा ०१ १७
गोरेगाव ०२ १६
आमगाव ०९ १५३
सालेकसा ०४ ५९
सडक-अर्जुनी १४ २०८
अर्जुनी-मोरगाव ०२ ४४
देवरी ०२ ३९
एकूण ४५ ७३५