युवा महोत्सवाची थाटात सांगता

जिल्हा क्रीडा अधिकारी कार्यालय गोंदियाद्वारे दि. २ ते ३ डिसेंबर या कालावधीमध्ये शंकरलाल अग्रवाल डी.एड्. कॉलेज गोंदिया येथे जिल्हास्तरीय युवा महोत्सवाचे आयोजन करण्यात आले होते.

गोंदिया : जिल्हा क्रीडा अधिकारी कार्यालय गोंदियाद्वारे दि. २ ते ३ डिसेंबर या कालावधीमध्ये शंकरलाल अग्रवाल डी.एड्. कॉलेज गोंदिया येथे जिल्हास्तरीय युवा महोत्सवाचे आयोजन करण्यात आले होते.
युवा महोत्सवाचे उद्घाटन डॉ.अंशु सैनी यांच्या हस्ते झाले. कार्यक्रमाचे अध्यक्ष प्राचार्य शेख, तर प्रमुख पाहुणे म्हणून जिल्हा तायक्वांडो असोसिएशन सचिव दुलीचंद मेश्राम होते.
या दोन दिवसीय युवा महोत्सवामध्ये शास्त्रीय गायन, भरत नाट्यम, तबला वादन, हार्मोनियम वादन, गिटार वादन, हिंदी एकांकिता, हिंदी वक्तृत्व स्पर्धा व लोकगीत या स्पर्धांचा समावेश होता. विविध स्पर्धेकरिता परीक्षक म्हणून प्रा.चंदीवाले, प्रा. एस.एम. पारधी, प्रा. पारधी, प्रा. एच.आर. सहारे, प्रा. दाऊल बोंद्रे यांनी काम पाहिले. जिल्हास्तर युवा महोत्सवातील विजेते स्पर्धक नागपूर येथे विभागस्तरीय युवा महोत्सवात सहभागी होणार आहेत.
विभागस्तरीय युवा महोत्सव दि. ६ डिसेंबर रोजी झाला. विभागस्तरीय युवा महोत्सवाकरीता पात्र ठरलेले स्पर्धक नारायण पिथोडे (तबला), निहारीका उजवणे (हिंदी (वकृत्व), आंचल बघेले (शास्त्रीय गायन), दिपेश सोनवणे (हार्मोनियम) एस.एस. गर्ल्स कॉलेज याचा संघ (लोकगीत) व स्व. शंकरलाल अग्रवाल डी.एड. कॉजेज यांचा संघ (हिंदी एकांकिका) इत्यादी होते.
कार्यक्रमाचे प्रास्ताविक जिल्हा क्रीडा अधिकारी अशोक गिरी यांनी केले. सुत्रसंचालन अनिल निमगडे, क्रीडा अधिकारी यांनी केले. आभार प्रदर्शन अरुण गंधी यांनी केले. कार्यक्रमासाठी बी.एम. चौधरी, क्रीडा मार्गदर्शक आर.जी. टेकाडे, सुनील पारधी यांनी सहकार्य केले .