रेती माफियांवर ११४ कारवाया

शासनाने ज्या रेतीघाटांमधून रेती उपसा करण्यास मंजुरी दिली नाही त्या घाटांमधून मोठ्या प्रमाणात रेतीचा उपसा करून वाहतूक करणाऱ्या गौण खनिज माफियांवर आमगाव तहसील कार्यालयाने कारवाया केल्या.

आमगाव तहसीलची कारवाई : १० महिन्यांत ७.६० लाखांचा दंड वसूलगोंदिया : शासनाने ज्या रेतीघाटांमधून रेती उपसा करण्यास मंजुरी दिली नाही त्या घाटांमधून मोठ्या प्रमाणात रेतीचा उपसा करून वाहतूक करणाऱ्या गौण खनिज माफियांवर आमगाव तहसील कार्यालयाने कारवाया केल्या. या धाडसत्रात मागील १० महिन्यात आमगाव तहसीलदार व त्यांच्या अधिनस्थ कर्मचाऱ्यांनी ११४ वाहनांवर कारवाया करून त्यांच्याकडून ७ लाख ६० हजारांचा दंड वसूल केला आहे. एप्रिल २०१५ ते २० जानेवारी २०१६ यादरम्यान केलेल्या कारवायांमध्ये गिट्टी, मुरूम, रेती विटा, माती, बजरी, मलबा वाहून नेणाऱ्यांवर कारवाया करण्यात आल्या आहेत. जानेवारी महिन्याच्या फक्त २० दिवसात ४४ कारवाया करण्यात आल्या असून ३ लाख ५४ हजार ८० रूपयांचा दंड वसूल करण्यात आला आहे.एप्रिल २०१५ या महिन्यात १७ वाहनांवर कारवाई करण्यात आली असून या कारवाईतून ६२ हजार ४०० रूपये दंड वसूल करण्यात आला आहे. मे महिन्यात एक कारवाई करण्यात करून ३२०० रूपये दंड वसूल करण्यात आला. जून महिन्यात दोन कारवाया केल्या. त्यातून २३ हजार ५०० रूपये दंड वसूल करण्यात आला. जुलै महिन्यात सहा कारवायांमधून ३३ हजार ४०० रूपये दंड वसूल करण्यात आला. आॅगस्ट महिन्यात चार कारवाया झाल्या. त्यात ३२ हजार ७०० रूपये दंड वसूल करण्यात आला. सप्टेंबर महिन्यात आठ कारवाया करून ४३ हजार ४६० रूपयांचा दंड वसूल करण्यात आला. आॅक्टोबर महिन्यात १३ कारवाया करण्यात आल्या. त्यात ८० हजार २०० रूपये दंड वसूल करण्यात आला. नोव्हेंबर महिन्यात १० कारवायांमधून ७१ हजार ६२० रूपये वसूल करण्यात आले. डिसेंबर महिन्यात आठ कारवाया झाल्या. त्यात ५५ हजार ८६० रूपये दंड वसूल करण्यात आला. जानेवारी २०१६ च्या २० दिवसांत ४४ कारवाया झाल्या असून त्यातून ३ लाख ५४ हजार ८० रूपये दंड वसूल करण्यात आला आहे. १० महिन्यात केलेल्या कारवायांमधून ७ लाख ६० हजार ४२० रूपयांचा दंड शासनाच्या तिजोरीत जमा केला आहे.(तालुका प्रतिनिधी)रेती माफियांचा अधिकाऱ्यांना त्रासरेती माफियांवर कारवाई करणाऱ्या अधिकाऱ्यांची विनाकारण वरिष्ठांकडे तक्रार करण्याचे प्रकार वाढले आहेत. कारवाई करून शासनाच्या महसूल भर घालण्याचे काम तहसीलदार राजीव शक्करवार यांनी केले आहे. यावर्षी पर्यावण विभागाची मंजूरी न मिळाल्याने रेती चोरांचा उपक्रम सुरूच आहे. मात्र त्यांना लगाम घाण्याचे काम शक्करवार व त्यांच्या चमुने केले आहे. मात्र अधिकाऱ्यांची तक्रार काही माफियांनी लोकप्रतिनिधी व वरिष्ठ अधिकाऱ्यांकडे केली. शासनाने मंजुरी न दिल्यामुळे रेती घाटांचा लिलाव झाला नाही. परंतु चोरीच्या मार्माने रेती नेणाऱ्यांवर कारवाई करण्याची मोहीम जिल्हाधिकारी यांच्या मार्गदर्शनात राबविण्यात आली. कितीही दबाव आला तरी कारवाई केली जाईल.राजीव शक्करवार तहसीलदार, आमगाव.