आमगाव : सध्या कोविशिल्डच्या दोन डोसमाधील अंतर ६ ते ८ आठवडे इतके होते. आता केंद्र सरकारच्या निर्णयानुसार कोविशिल्डच्या पहिल्या डोसमधील अंतर वाढवून १२ आठवडे ते १३ आठवडे करण्यात आले. १२ ते १६ आठवड्यांनंतर चांगले रिझल्ट येत आहेत, असे शासनाकडून सांगण्यात आले आहे. त्यानुसार लसीकरण करावे असे नवीन सूचना आहेत. त्यामुळे नागरिकांमध्ये संभ्रम निर्माण झाला आहे.
तालुका वैद्यकीय अधिकारी यांनी सांगितल्याप्रमाणे आपल्याकडे शासन परिपत्रक सूचनेनुसार शनिवारी होणाऱ्या लसीकरणमध्ये आपण प्रथम डोस लसीकरण करावे, असे जिल्हा स्तरावरून सूचना प्राप्त आहेत. त्यामुळे ४५ च्यावर वर्षे असणाऱ्या लाभार्थ्यांना प्रथम डोस देण्यात येईल. शासनाच्या पत्रामध्ये दुसऱ्या डोसेचे लाभार्थी ऑनलाइन रजिस्ट्रेशन करतील त्यांना लस देण्यात येईल असे सांगण्यात आले आहे. परंतु त्या करिता त्यांना आजच ऑनलाइन रजिस्ट्रेशन करणे गरजेचे असून, ऑनलाइन लसीकरणाकरिता शुक्रवारच्या रात्री १२ वाजेपर्यंत वेळ देण्यात आली आहे. त्यामुळे काही नागरिकांना निराशा झाली आहे. लसीकरणाच्या दररोजच्या बदलत्या वेळापत्रकामुळे नागरिकांची धावपळ होत आहे. शनिवारी होणाऱ्या लसीकरण करिता ऑनलाइन रजिस्ट्रेशनची आवश्यकता नाही असे आरोग्य विभागाकडून दोन दिवसांपूर्वी सांगण्यात आले होते. आता पुन्हा शेड्युल बदलून ऑनलाइन रजिस्ट्रेशन करावा लागणार आहे. त्यामुळे नागरिकांमध्ये संभ्रम निर्माण झाला आहे. व ज्यांचे प्रथम डोस घेऊन ६ ते ८ आठवडे पूृर्ण झालेत त्यांनी अजून किती वाट पाहावी? असा प्रश्न त्यांच्या मनात निर्माण झाला आहे.