गडचिराेली : जिल्हा युवक काॅंग्रेसचे महासचिव कुणाल पेंदाेरकर यांची गडचिराेली जिल्हा काॅंग्रेस साेशल मीडिया जिल्हाध्यक्षपदी निवड करण्यात आली आहे.अखिल भारतीय राष्ट्रीय काॅंग्रेस कमिटी साेशल मीडिया विभागाचे अध्यक्ष राेहण गुप्ता यांच्या निर्देशानुसार महाराष्ट्र प्रदेश काॅंग्रेस कमिटीचे अध्यक्ष बाळासाहेब थाेरात यांनी पेंदाेरकर यांची नियुक्ती केली आहे.
कुणाल पेंदाेरकर हे मागील अनेक वर्षांपासून युवक काॅंग्रेसमध्ये कार्यरत आहेत. काॅंग्रेसमधील अनेक पदांची जबाबदारी कुणाल पेंदाेरकर यांनी यशस्वीरीत्या पार पाडली. त्यांच्या कार्याची दखल घेऊन त्यांना काॅंग्रेस साेशल मीडियाच्या जिल्हाध्यक्षपदी नियुक्त करण्यात आले आहे. स्मार्ट फाेनच्या माध्यमातून प्रत्येक युवक व सामान्य नागरिक साेशल मीडियाचा वापर करतो. पक्ष वाढविण्यात साेशल मीडियाचे विशेष महत्त्व असल्याने साेशल मीडियाचा वापर करून पक्ष वाढण्याबराेबरच पक्ष संघटन मजबूत करू, अशी प्रतिक्रिया कुणाल पेंदाेरकर यांनी दिली आहे. त्यांनी या नियुक्तीचे श्रेय प्रदेशाध्यक्ष बाळासाहेब थोरात, ना.विजय वडेट्टीवार, प्रदेश सोशल मिडिया सेलचे अध्यक्ष अभिजित सपकाळ आदींना दिले.