सुद्धागुडम येथे विद्युत प्रवाह साेडून चितळाची शिकार

जिमलगट्टा : अहेरी तालुक्याच्या सुद्धागुडम येथे रविवार ३ जानेवारीला शेतात विद्युत प्रवाह लावून चितळाची शिकार करण्यात आली. याबाबत माहिती मिळताच दाेन आराेपींना शिजलेल्या मटनासह अटक करण्यात आली. मात्र या घटनेतील तीन आराेपी अद्यापही फरार आहेत. सुद्धागुडम येथे ३ जानेवारीला दुपारी २.३० वाजता गावातील रामुलू व्यंकटी भेडकी (६०) यांच्या घरी वन्य प्राण्याचे मांस असल्याची माहिती गाेपनीय सूत्राकडून वन कर्मचाऱ्यांना मिळाली. या माहितीवरून त्याच दिवशी दुपारी ३ वाजता गावात धाड टाकून तपासणी केली असता, शिजविलेले १.४०४ किलाे व ८.९७२ किलाे कच्चे मांस वन कर्मचाऱ्यांना मिळाले. या संदर्भात आराेपींची सखाेल चाैकशी केली असता, व्यंकटस्वामी रामुलू भेडकी (२९) व त्याचा जावई सुमित मेश्राम भामरागड यांनी २ जानेवारी सायंकाळी शेतात विद्युत तारांवर आकडा टाकून विद्युत प्रवाह साेडला. त्याच दिवशीच्या रात्री चितळ अडकले. ३ जानेवारीला सकाळी शिकार झाल्याची माहिती मिळाल्यानंतर पाच जणांनी शेतामध्येच चितळाला कापून त्याचे मांस खाण्याकरिता आपल्या घरी आणले. चितळाचे काही अवशेष व कातडी शेतातच लपवून ठेवले, अशी माहिती अटक केलेल्या दाेन्ही आराेपींनी दिली. जप्त केलेला मांस व कातडीवरून चितळ हे वन्यप्राणी असून शेड्युल्ड ३ तृणभक्ष्यी असल्याचे आढळून आल्याने आराेपींविराेधात भारतीय वन्यजीव संरक्षण अभिनियमांतर्गत गुन्हा नाेंदविण्यात आला. ४ जानेवारीला दाेन आराेपींना ताब्यात घेण्यात आले. मात्र तीन आराेपी अद्यापही फरार आहेत. या प्रकरणाचा अधिक तपास एसीएफ प्रवीणकुमार यांच्या मार्गदर्शनाखाली वन परिक्षेत्राधिकारी नगराळे करीत आहेत.