Balapur Assembly Election 2019, Balapur Vidhan Sabha Election Results 2019 - Latest Marathi News | Balapur Assembly Election Result 2019 | बाळापूर विधानसभा निवडणूक निकाल 2019, ताज्या मराठी बातम्या | Maharashtra Election Results, Live Updates & Counting

- आशिष गावंडे लोकमत न्यूज नेटवर्कअकोला: यंदाच्या विधानसभा निवडणुकीत बाळापूर, अकोट , मूर्तिजापूर विधानसभा मतदारसंघात मतांची टक्केवारी वाढल्याचे समोर आले आहे. त्या तुलनेत अकोला पश्चिम मतदारसंघात एक टक्क्याने तर अकोला पूर्व मतदारसंघात अवघ्या ०.१ टक्क्याने घट झाली आहे. अकोला पश्चिम मतदारसंघात टक्केवारीची घसरण लक्षात घेता त्याचा कोणत्या पक्षाच्या उमेदवारावर परिणाम होतो, याकडे सर्वांचे लक्ष लागले आहे. यादरम्यान, विधानसभा निवडणुकीमध्ये यंदा प्रथमच वंचित बहुजन आघाडीच्या माध्यमातून अॅड. प्रकाश आंबेडकर यांनी रणशिंग फुंकल्यामुळे पाचही मतदारसंघांत कडवी झुंज पाहावयास मिळणार आहे.चौदाव्या विधानसभा निवडणुकीमध्ये जिल्ह्यातील पाच विधानसभा मतदारसंघांपैकी बाळापूर, अकोट तसेच मूर्तिजापूर मतदारसंघात उमेदवारी निश्चित होण्यापूर्वीपासूनच प्रमुख राजकीय पक्षांमध्ये अंतर्गत धुसफूस सुरू असल्याचे चित्र होते. प्रबळ दावेदार आणि इच्छुकांच्या भाऊगर्दीमुळे या मतदारसंघात निवडणूक लढणाऱ्या उमेदवारांसमोर आव्हान ठाकले होते. २१ आॅक्टोबर रोजी पाचही विधानसभा मतदारसंघांत शांततेत व उत्साहात मतदान पार पडले.२०१४ च्या विधानसभा निवडणुकीपेक्षा यंदा बाळापूर मतदारसंघात सर्वाधिक मतदान झाल्याची नोंद असून, गतवेळच्या निवडणुकीत ५९.९६ टक्के मतदान झाले होते. यंदा ६५.८९ टक्के मतदान झाले असून, मतांच्या टक्केवारीत सहा टक्क्यांनी वाढ झाली आहे. गतवेळी अकोट मतदारसंघात ६०.७१ टक्के मतदान झाले होते. सोमवारी मतदान प्रक्रिया आटोपल्यानंतर ६३.८३ टक्के मतदान झाल्याचे समोर आले. अर्थात, २०१४ च्या तुलनेत तीन टक्क्यांनी मतदान वाढल्याचे दिसून येते. मूर्तिजापूर मतदारसंघातही गतवेळच्या तुलनेत दीड टक्क्यांनी वाढ होऊन ५४.४२ टक्के मतदान झाल्याचे समोर आले. मतांची वाढलेली टक्केवारी नेमकी कोणत्या उमेदवाराच्या पथ्यावर पडते आणि कोणाचे पत्ते कट होते, ही बाब २४ आॅक्टोबर रोजी निकालाअंती समोर येणार असल्यामुळे जिल्हावासीयांची उत्कंठा शिगेला पोहोचली आहे.अकोला पूर्व , पश्चिममध्ये घटअकोला पूर्व मतदारसंघात २०१४ च्या निवडणुकीत ५५.७८ टक्के मतदान झाले होते. यंदा ५५.७७ टक्के मतदान झाले. अर्थात, या मतदारसंघात अवघ्या ०.१ टक्क्याने घट झाली आहे. अकोला पश्चिम मतदारसंघात गतवेळी ५१.५७ टक्के मतदान झाले होते. यंदा ५०.८२ टक्के झाले. मतांचा घसरलेला एक टक्का लक्षात घेता, त्याचा कोणत्या पक्षाला फायदा होतो अन् कोणाचे नुकसान होते, याकडे सर्वांचे लक्ष लागले आहे.‘वंचित’मुळे अनेकांची समीकरणे बिघडणारअॅड. प्रकाश आंबेडकर यांनी यंदा प्रथमच संपूर्ण राज्यात वंचित बहुजन आघाडीचा प्रयोग राबवत दमदार उमेदवारांना निवडणुकीच्या आखाड्यात उतरवले. एमआयएमसोबत दुरावा झाल्यानंतरही ‘वंचित’च्या उमेदवारांनी जिल्ह्यातील पाचही विधानसभा मतदारसंघात प्रतिस्पर्धी उमेदवारांना कडवी झुंज दिल्याचे चित्र आहे. ‘वंचित’च्या प्रयोगामुळे अनेकांची समीकरणे बिघडण्याची चिन्ह आहेत.महिलांचा टक्का घसरला!पाच विधानसभा मतदारसंघात १५ लाख ७७ हजार ४७६ मतदारांची नोंद झाली. यापैकी ९ लाख ११ हजार ८१५ मतदान झाले. यामध्ये ४ लाख ९७ हजार १३५ पुरुष (६१.०९ टक्के), तर ४ लाख १४ हजार ६६९ महिलांचा (५४.३० टक्के) समावेश आहे. यात महिलांचा टक्का वाढला.

Candidate	Party	Votes
Nitinkumar Bhikanrao Tale	Shiv Sena	69343
Shaikh Kalim Shaikh Majid	Bahujan Samaj Party	607
Sangram Gulabrao Gawande	Nationalist Congress Party	16497
Atharkha Afasar khan	Bahujan Mukti Party	1087
Dudhe Tukaram Ukarda	Swabhimani Paksha	6262
Dinkar Suryabhan Ranbavale	Maharashtra Parivartan Sena (T)	683
Dr. Dhairyavardhan Haribhau Pundkar	Vanchit Bahujan Aaghadi	50555
Dr. Rahman Khan Haji Kale Khan	All India Majlis-E-Ittehadul Muslimeen	44507
Sunita Sudhakar Wankhade	Peoples Party of India (Democratic)	576
Ashwajit Kashiram Sirsat	Independent	730
Nitinkumar Manik Tajane	Independent	263
Raees Ahmad Shaikh Noor	Independent	471
Varsha Sanjay Bagade	Independent	705
Vinod Lalsing Jadhav	Independent	1075
Sachin Ganpat Sharma	Independent	329

Assembly Constituency Result

News Balapur

उध्दवसेनेच्या पहिल्या यादीत दाेन उमेदवारांचा समावेश ...

काँग्रेसचा पर्याय वगळून ते राष्ट्रवादी काँग्रेसमध्ये जाण्याची शक्यता बळावली आहे. ...

या मतदारसंघात प्रथमच खाते उघडल्यामुळे जिल्ह्यात शिवसेनेला नवसंजीवनी मिळाल्याचे बोलल्या जात आहे. ...

Balapur Vidhan Sabha Election Results 2019: ...

Balapur Vidhan Sabha Election Results 2019: वंचित बहुजन आघाडीचे उमेदवार डॉ. धैर्यवर्धन पुंडकर अद्यापही स्पर्धेत आहेत ...

कोण-कोण बाजी मारणार, याबाबत मतदारांची उत्कंठा शिगेला पोहोचली आहे. ...