बहुजन रयत परिषदेची उत्तर महाराष्ट्र कार्यकारणी जाहीर

यावेळी संघटनेचे अध्यक्ष माजी मंत्री लक्ष्मण ढोबळे, प्रदेश अध्यक्ष रमेश गालफाडे, महिला प्रदेश अध्यक्ष कोमल साळुंखे यांच्या उपस्थितीत उत्तर महाराष्ट्राची कार्यकारणी जाहीर करण्यात आली. त्यात उत्तर महाराष्ट्राचे प्रतिनिधी म्हणून राज्य कार्यकारणीच्या प्रदेश महासचिव पदी धुळ्यातील सामाजिक कार्यकर्ते रवींद्र वाकळे यांची फेरनियुक्ती करण्यात आली, तसेच राज्य संपर्क प्रमुखपदी रवींद्र पाटील यांची, तर प्रदेश उपाध्यक्षपदी सूर्यकांत भालेराव, विभागीय उपाध्यक्ष धनंजय जाधव, अनिल बविस्कर, साहेबराव श्रृंगार, तसेच उत्तर महाराष्ट्र अध्यक्षपदी बंडू गांगुर्डे यांची नियुक्ती करण्यात आली. धुळे जिल्हाध्यक्षपदी रामदास जगताप यांची नियुक्ती करण्यात आली. नंदुरबार जिल्हाध्यक्षपदी गणेश साठे, जळगाव जिल्हाध्यक्षपदी प्रकाश बोरसे, उत्तर महाराष्ट्र सरचिटणीसपदी ज्ञानेश्वर सुरवाडे, नाशिक ग्रामीण जिल्हाध्यक्षपदी बाळासाहेब बन्दरे, नाशिक जिल्हा शहर अध्यक्षपदी नाना खंडाळे, उत्तर महाराष्ट्र कार्याध्यक्षपदी गजानन पगारे यांची नियुक्ती करण्यात आली.

नियुक्ती झालेल्या पदाधिकाऱ्यांना प्रा.लक्ष्मण ढोबळे यांच्या हस्ते नियुक्तिपत्र देण्यात आली. नवनियुक्त पदाधिकाऱ्यांनी मातंग समाजासह बहुजन समाजाचे प्रश्न सोडविण्यासाठी अन्याय-अत्याचाराविरुद्ध लढा देण्याचा संकल्प करावा. सामाजिक संघटना म्हणून जबाबदारीने योगदान द्यावे, असे आवाहन ढोबळे यांनी केले.