यावेळी बोरीसचे सामाजिक कार्यकर्ते व उद्योजक आदर्श शेतकरी रावसाहेब परशुराम देवरे यांनी निसर्ग मित्र समिती कार्यालयास सिलिंगचे काम करून दिले. साक्री तालुक्यातील कासारे येथील आदर्श शिक्षक ज्येष्ठ पत्रकार दादासाहेब विलासराव देसले यांनी १२ खुर्ची भेट दिल्या. पिंपळादेवी प्राथमिक विद्यालयाचे आदर्श शिक्षक तथा सामाजिक कार्यकर्ते कांतिलाल देवरे यांनी अडीच फुटाचा डॉ. बाबासाहेब आंबेडकर यांचा पुतळा भेट दिला, तर जिल्हा संपर्कप्रमुख से. नि. मुख्याध्यापक शाहीर विजय वाघ यांनी निसर्ग मित्र सार्वजनिक वाचनालयास स्पर्धा परीक्षाविषयी पुस्तकांचा संच भेट दिला म्हणून या सर्व दात्यांचा समितीतर्फे मान्यवरांच्या हस्ते विशेष सत्कार करण्यात आला. कार्यक्रम यशस्वी करण्यासाठी धुळे शहर संघटक हर्षल महाजन, कार्यालय प्रमुख निसर्ग अहिरे यांनी विशेष परिश्रम घेतले. या कार्यक्रमात कोरोनाच्या पार्श्वभूमीवर शासनाने दिलेले आदेश व नियमांचे पालन करण्यात आले व इतर पदाधिकारी ऑनलाईन कार्यक्रमात सहभागी झाले, अशी माहिती समितीचे जिल्हा
प्रवक्ता तथा प्रसिद्धी प्रमुख प्रा. डॉ. प्रवीणसिंग गिरासे यांनी पत्रकान्वये कळविले आहे.