१० अहवाल पॉझिटिव्ह, मृत्यू नाही

धुळे - जिल्ह्यातील आणखी १० जणांना कोरोनाचा संसर्ग झाला आहे. एकूण बाधित रुग्णांची संख्या १४ हजार ८४७ इतकी झाली आहे. मंगळवारच्या अहवालानुसार, जिल्हा रुग्णालय धुळे येथील ७५ अहवालांपैकी ७ अहवाल पॉझिटिव्ह आले. त्यात, बाबरे १, जुनवणे १, वलवाडी शिवार २, गजानन सोसायटी १, आदर्श कॉलनी १, ग्रीनपार्क सोसायटी १ यांचा समावेश आहे. उपजिल्हा रुग्णालय शिरपूर येथील २९ अहवाल निगेटिव्ह आले. भाडणे येथील २४ अहवालांपैकी २ अहवाल पॉझिटिव्ह आले. त्यात, साईबाबा नगर १, दहीवेल येथील एका रुग्णाचा समावेश आहे. तसेच रॅपिड अँटीजन टेस्टच्या ४ अहवालांपैकी प्राथमिक आरोग्य केंद्र कासारे येथील एक अहवाल पॉझिटिव्ह आला आहे. शासकीय वैद्यकीय महाविद्यालय धुळे येथील ८ अहवाल निगेटिव्ह आले. खाजगी प्रयोगशाळेतील ६ अहवाल आले.