वाशी -परंडा विधानसभा मतदार संघाचे आमदार तथा माजी जलसंधारणमंत्री प्रा. तानाजी सावंत यांच्यावतीने ग्रामीण रुग्णालयास काेविड प्राेफाईल चाचण्या करण्यासाठी अत्याधुनिक मशिनरी देण्यात आली आहे. या मशिनरीचे लाेकार्पण जिल्हा परिषदेचे उपाध्यक्ष धनंजय सावंत व सेनेचे नेते प्रशांत चेडे यांच्या हस्ते ३० एप्रिल राेजी झाले.
ग्रामीण रुग्णालयाचे वैद्यकीय अधीक्षक डाॅ. कपिलदेव पाटील यांनी आढावा बैठकीत कोरोना बाधितांच्या कोरोनाविषयक रक्ताच्या चाचण्या करण्यासाठी सेल काउंटर, बायोकेमिस्ट्री अ‍ॅनालायझर आदी साहित्याची गरज नाेंदविली हाेती. या चाचण्या ग्रामीण रुग्णालयात झाल्यास एका रुग्णाचे कमीत कमी चार ते पाच हजार रुपये वाचतील, असे त्यांनी सांगितले हाेते. ही बाब गांभीर्याने घेत आ. सावंत यांनी यंत्रसामग्री मागून घ्या. त्याचे बिल तातडीने दिले जाईल, अशी ग्वाही दिली. यानंतर अवघ्या दाेन दिवसांत प्रयोगशाळेसाठीची आधुनिक मशिनरी दाखल झाली. जीची किंमत सव्वापाच लाख रुपये आहे. थाेडाही विलंब न करता मशिनरी रुग्णांच्या सेवेत दाखल झाली. शनिवारी लोकार्पण सोहळा पार पडला. दरम्यान, सदरील मशिनरीसाेबतच रुग्णालयासाठी १० ऑक्सिजन कॉन्सट्रेटर, कोविड लसीकरणासाठी येणाऱ्या नागरिकांसाठी मंडप, ५० खुर्च्या स्वखर्चातून उपलब्ध करून दिल्या आहेत़ कार्यक्रमासाठी माजी नगराध्यक्ष नितीन चेडे, शिवहार स्वामी, सतीश शेरकर, विकास तळेकर, धर्मराज जगताप, जिल्हा परिषद सदस्य उद्धवराव साळवी, बाबासाहेब घोलप, वैद्यकीय अधीक्षक डाॅ. कपिलदेव पाटील, तालुका वैद्यकीय अधिकारी गोवर्धन महिंद्रकर, डॉ़ महावीर कोटेचा, डॉ़ संजिव गरड, डॉ़ अमर तानवडे, डॉ़ सोनाली गाढवे, डॉ़ हिराळे, डॉ़ विनोद पवार यांच्यासह गटविकास अधिकारी विलास खिल्लारे आदी उपस्थित हाेते.
चाैकट....
काेराेनाचे संकट अधिक गंभीर आहे. रुग्णांची संख्या माेठ्या प्रमाणात वाढत आहे. अशा काळात ग्रामीण रुग्णालय स्तरावर आवश्यक साेयीसुविधा उपलब्ध करून देण्यासाठी आमदार तानाजीराव सावंत यांनी पुढाकार घेतला. स्वखर्चातून प्रयाेगशाळेसाठी अत्याधुनिक मशिनरी उपलब्ध करून दिली. राज्यातील पहिले असे ग्रामीण रुग्णालय असेल, जेथे रक्तांच्या सर्व चाचण्या हाेतील. त्याचा फायदा निश्चित गाेरगरीब जनतेला हाेईल, असा विश्वास जिल्हा परिषद उपाध्यक्ष धनंजय सावंत यांनी व्यक्त केला.