बांबर्डा कानकिरड (वाशिम) : मामा घरी का आला या क्षुल्लक कारणावरून भाच्याने सुरीने सपासप वार करून मामाची हत्या केल्याची घटना कुपटी येथे २५ जून रोजी सकाळच्या सुमारास घडली. शालीग्राम नारायण कंटाळे (७०) रा. कारंजा असे मृतकाचे नाव असून, अक्षय प्रल्हाद माकोडे (२२) रा कुपटी असे आरोपीचे नाव आहे.
पोलीस सूत्रांनी दिलेल्या माहितीनुसार, मृतक मामा शालीग्राम नारायण कंटाळे हा माझ्या घरी का आला या क्षुल्लक कारणावरून मामा-भाच्यात वाद झाला. पुढे हा वाद विकोपाला जाऊन वादाचे पर्यावसान हाणामारीत झाले. भाचा अक्षय माकोडे याने मामा शालीग्राम कंटाळे यांच्या पोटावर, पाठीवर व मानेवर सुरीने सपासप वार केले. जखमी अवस्थेत मामाला उपचारासाठी कामरगाव येथील ग्रामीण रूग्णालयात दाखल करण्यात आले. परंतु प्रकृती गंभीर असल्याने पुढील उपचारासाठी त्यांना अमरावती येथे पाठविण्यात आले. अमरावती येथे उपचारादरम्यान त्यांचा मृत्यू झाला. सचिन नारायण ढोके (३०) रा. कुपटी यांच्या फिर्यादीवरून आरोपी अक्षय प्रल्हाद माकोडे याच्या विरूध्द भांदवीच्या कलम ३०७ नुसार गुन्हा दाखल करण्यात आला. कामरगाव पोलीस चैकीतील सहायक पोलीस उपनिरीक्षक गजानन कदम, रविंद्र राजगुरे व आकाश खंडारे यांनी आरोपीला तातडीने अटक केली. घटनेचा अधिक तपास धनज पोलीस स्टेशनचे प्रभारी ठाणेदार पोलीस उपनिरीक्षक कपील म्हस्के यांच्या मार्गदर्शनात सुरू आहे. धनज पोलीस स्टेशन अंतर्गत येत असलेल्या शिरसोली येथील हत्येच्या घटनेच्या बातमीची शाई वाळण्यापूर्वीच दोन दिवसात दुसरी हत्या झाली.
अन्य महत्वाच्या बातम्या...
नग्नावस्थेत फ्रिजमध्ये आढळले महिलेचे अर्धवट शरीर, बलात्कार करून निर्घृण हत्या केल्याची शक्यता
Shocking! भारत-चीन सीमेवर IES अधिकारी बेपत्ता, घरात सुरू होती लगीनघाई
लज्जास्पद! अपहरण करून मुलीवर बलात्कार; चौघांना अटक, मुख्य आरोपी भाजपा पंच फरार
विवस्त्र करून तरुणाला बेदम मारहाण, व्हिडिओ व्हायरल होताच पोलिसांनी घेतले दोघांना ताब्यात
थरारक! दुचाकी पार्किंगच्या वादातून महिलेची केली चाकू भोसकून हत्या
खळबळजनक! १६ वर्षांच्या TikToker तरुणीची आत्महत्या; रात्री मॅनेजरशी गाण्याबद्दल बोलली, अन्...
धक्कादायक! हालाखीच्या परिस्थितीला कंटाळून महिलेने मुलीला गळफास लावून स्वतःही केली आत्महत्या
उसन्या पैशाचा तगादा लावल्याने भाजीवाल्याची तारेने गळा आवळून हत्या