सोनम रघुवंशीला 'वाचवणारा आणि लपवणारा' लोकेंद्र तोमर कोण? राजा हत्याकांडात आणखी एक मोठा खुलासा

राजा रघुवंशी याच्या हत्येला एक महिना पूर्ण झाला. पण, या प्रकरणात दररोज नवीन खुलासे होत आहेत.

राजा रघुवंशी याच्या हत्येला एक महिना पूर्ण झाला आहे. पण, अजूनही या प्रकरणात नवीन खुलासे सुरू आहेत. आतापर्यंत या हत्येप्रकरणी राजा रघुवंशीची पत्नी सोनमसह सात जणांना अटक केली आहे. आता आठव्या आरोपीचे नावही समोर आले आहे. पोलिस आता लोकेंद्र तोमर नावाच्या व्यक्तीचा शोध घेत आहेत. त्याने राजाच्या हत्येनंतर सोनमसाठी ती जिथे राहिली होती तिथे फ्लॅटची व्यवस्था केली होती आणि त्यानेच हत्येचे पुरावे असलेली बॅग जाळण्याच्या सूचना दिल्या असल्याचे समोर आले आहे.

युनूस यांची खेळी, भारताविरोधी षडयंत्र; बांगलादेशात पाकिस्तानी ISI हस्तकाला मोठी जबाबदारी

मिळालेल्या माहितीनुसार, सोनमची बॅग जाळणाऱ्या प्रॉपर्टी डीलर सिलोम जेम्सच्या चॅटमधून एक मोठा खुलासा झाला आहे. जेम्सच्या मोबाईल चॅटमधून लोकेंद्र तोमर नावाच्या व्यक्तीने त्याच्यावर दबाव आणून पुरावे नष्ट करण्याचा प्रयत्न केल्याचे उघड झाले. राजा याच्या हत्येनंतर सोनम ज्या ठिकाणी लपली होती तो फ्लॅट देण्यातही लोकेंद्र तोमरची भूमिका असल्याचे समोर आले आहे.

तो व्यक्ती कोण?

मेघालय आणि इंदूर पोलिस लोकेंद्र तोमरचा शोध घेत आहेत. आतापर्यंत त्याची भूमिका समोर आली आहे. त्याने सोनमला लपविण्यासाठी आणि वाचवण्यासाठी सर्वतोपरी प्रयत्न केले. तो सिलोम जेम्सचा भागीदार होता असे सांगितले जात आहे. सिलोम जेम्सने पोलिस चौकशीत सांगितले आहे की, त्याने लोकेंद्रसोबत ती इमारत दरमहा तीन लाख रुपये भाड्याने भाड्याने घेतली होती. ते येथे वेगवेगळे भाडेकरू ठेवत होते.

राजची पिस्तूल, दागिने आणि रोख रक्कम लोकेंद्रकडे अस्लयाचे जेम्सने सांगितले होते. सोनमच्या अटकेनंतर त्याने सिलोम जेम्सवर तिच्या सामानाचे शक्य तितक्या लवकर फ्लॅटमधून काढून जाळून टाकण्याचा दबाव आणला होता. राजाच्या हत्येचे महत्त्वाचे पुरावे असल्याने लोकेंद्रला अटक करण्याचा प्रयत्न पोलिसांचे वेगवेगळे पथक करत आहेत.