Sonam Raghuvanshi : राजा रघुवंशी हत्या प्रकरणात नवा ट्विस्ट; सोनमला मदत करणारे 'ते' दोघे कोण?

Sonam Raghuvanshi And Raja Raghuvanshi : इंदूरच्या राजा रघुवंशी हत्याकांडातील मुख्य आरोपी आणि मास्टरमाईंड सोनम रघुवंशी ही ९ जून रोजी उत्तर प्रदेशातील गाझीपूरमधील नंदगंज येथील एका ढाब्यावर सापडली.

इंदूरच्या राजा रघुवंशी हत्याकांडातील मुख्य आरोपी आणि मास्टरमाईंड सोनम रघुवंशी ही ९ जून रोजी उत्तर प्रदेशातील गाझीपूरमधील नंदगंज येथील एका ढाब्यावर सापडली. पण याच दरम्यान सोनमला आणखी दोन जणांनी मदत केली. मदत करणारे ते दोघे कोण याबाबत माहिती समोर आलेली नाही. ज्यांच्या मदतीने सोनम वाराणसीला पोहोचली आणि वाराणसीहून गाझीपूरमधील चहाच्या टपरीवर पोहोचली. सध्या शिलाँग पोलीस या प्रकरणाचा तपास करत आहेत. 

९ जून रोजी सकाळी गाझीपूरच्या नंदगंज भागातील काशी टी स्टॉलवर पोहोचलेल्या सोनम रघुवंशीसह राजा रघुवंशीच्या हत्येत सहभागी असलेले पाचही पात्र शिलाँग पोलिसांच्या ताब्यात आहेत, परंतु आता या हत्या प्रकरणातील आणखी दोन जणांचा शोध सुरू आहे. हे दोन्ही संशयित सोनमचे मदतनीस आहेत ज्यांच्यासोबत ती वाराणसी रेल्वे स्टेशनवर आणि नंतर कॅन्ट बस स्टेशनवर दिसली होती, ज्यांच्यासोबत सोनम गोरखपूरला जाणाऱ्या बसमध्ये चढली होती.

"मी कोणाशीही लग्न केलं तरी मी तुझीच गर्लफ्रेंड...", सोनमसमोर स्टेजवर ढसाढसा रडला राज

गाझीपूरच्या सैदपूर भागातील रहिवासी उजाला यादवची देखील यामध्ये नवी एन्ट्री झाली आहे. जिने दावा केला की, ८ जूनच्या रात्री सोनम आणि ती गोरखपूरला जाणाऱ्या बसने एकत्र प्रवास करत होते. ८ जून रोजी रात्री १०:०० वाजता उजाला यादव वाराणसी रेल्वे स्टेशनवर उतरली तेव्हा सोनम त्याच कपड्यांमध्ये चेहरा झाकून तिच्याकडे आली आणि जवळच्या बस स्टॉपचा रस्ता विचारला.

"सोनम वयाने मोठी, बॉस होती, राज फक्त नोकर"; आईने घेतली लेकाची बाजू, म्हणाली...

उजाला यादव म्हणाली की, सोनमसोबत आणखी दोन जण होते. एका मुलाने पांढरा शर्ट घातला होता आणि त्याचा चेहरा झाकलेला होता. दुसऱ्या मुलानेही चेहरा लपवला होता. उजालालाही गाझीपूरमधील सैदपूर येथील तिच्या घरी जायचं होतं, तीही बस स्थानकावर पोहोचली. १० मिनिटांनी सोनमही गाझीपूरहून गोरखपूरला जाणाऱ्या बसमध्ये चढली. 

"सोनम खूप घाबरलेली...", राजा रघुवंशी हत्या प्रकरणात नवी एन्ट्री; कोण आहे उजाला यादव?

सोनमला रात्रभर प्रवास करून गोरखपूरला पोहोचायचं होतं. तिच्याकडे पैसे होते ज्यातून तिने वाराणसी ते गोरखपूरचे तिकीटही बुक केलं. कुटुंबाशी बोलण्यासाठी सोनमने उजालाचा फोन मागितला, नंबर टाइप केला पण कॉल लावला नाही. तिने उजालाच्या फोनवरून नंबरही डिलीट केला. संपूर्ण प्रवासात सोनम आपली ओळख लपवण्यासाठी खबरदारी घेत होती. सध्या सोनमची चौकशी सुरू आहे.