कानपूर - कानपूरच्या चौबेपूर पोलीस ठाण्यांतर्गत बिकरू गावात आठ पोलिसांच्या हत्येचा मुख्य आरोपी असलेल्या गुंड विकास दुबे याच्या पोस्टमॉर्टम अहवालात दुबे याचा मृत्यू रक्तस्त्राव व धक्क्याने झाला असल्याचे निष्पन्न झाले आहे. १० जुलै रोजी मध्य प्रदेशातील उज्जैनमधील महाकाल मंदिरातून विकास दुबेला अटक केली गेली. दुसर्‍या दिवशी त्याला उज्जैनहून कानपूरला आणले जात असताना दुबे याने पोलीस कर्मचाऱ्यांच्या पिस्तूल हिसकावून घेतल्यानंतर पळ काढण्याचा प्रयत्न करताच त्याला चकमकीत ठार मारण्यात आले होते. पोलिसांनी दुबे यांना शरण जाण्यास सांगितले असता त्याने पोलिसांवर गोळीबार सुरू केला. शेवटी क्रॉस फायरिंगमध्ये गुंड विकास ठार झाला.न्यायालयीन चौकशीचे आदेशउत्तर प्रदेश सरकारने या चकमकीबाबत निवृत्त न्यायमूर्ती एस. के. अग्रवाल यांच्या नेतृत्वात न्यायालयीन चौकशी करण्याचे आदेश दिले. विरोधी पक्षाचा आरोप आहे की, राजकीय लागेबांधे उघडकीस येतील म्हणून या गुंडास एका बनावट चकमकीत मारण्यात आले. आयोगाला अहवाल सादर करण्यासाठी दोन महिन्यांचा कालावधी देण्यात आला आहे. विकास दुबे याचा उदय आणि पोलिसांच्या भूमिकेबद्दल चौकशी करण्यासाठी एक विशेष तपास पथक (एसआयटी) देखील तयार करण्यात आले होते. अतिरिक्त मुख्य सचिव संजय आर. भुसरेड्डी यांच्या अध्यक्षतेखाली तीन सदस्यीय विशेष तपास पथकाने एक ई-मेल तसेच एक मोबाइल नंबर जाहीर केला आहे. त्यांच्या प्रतिनिधींसह लोकांसाठी आयडी आणि पोस्टल पत्ते एसआयटीशी संपर्क साधू शकतात आणि गुंडास मारलेल्या चकमकीबाबतचे सत्य आणि त्याच्या साथीदारांविषयी जे काही माहित असेल ते सांगू शकतात.
अन्य महत्वाच्या बातम्या...
९० वर्षीय नवऱ्याला रॉकेल टाकून पेटवले अन् स्वत:ही जीव सोडला; कारण ऐकून धक्का बसेल
गुंतवणूकीवर दुप्पट परताव्याचे आमिष दाखवून तिघांना लाखोंचा गंडा
अखेर पाक सरकार झुकलं; कुलभूषण जाधव यांना भारतीय दूतावासातील २ अधिकारी भेटणार
...अन् 'बेबी पेंग्विन' हॅशटॅग ट्रेंड झाला!; जाणून घ्या आदित्य ठाकरेचं काय आहे 'कनेक्शन'
मदरशामध्ये शिक्षकाने चार वर्षे केला विद्यार्थिनीवर बलात्कार; आता गुन्हा दाखल झाला