मुलीच्या होणाऱ्या नवऱ्यासोबतच जुळलं सूत अन् झाली फरार, आता सपना देवी कुठे?

Sapna Devi and Rahul: ज्या मुलासोबत मुलीचं लग्न ठरलं, त्याचं मुलावर सासूचा जीव जडला. त्यानंतर दोघेही फरार झाले. देशभरात दोघांच्या लव्हस्टोरीची चर्चा झाली. जावयासोबत फरार झालेली सासू आता काय करतेय?

Sapna Devi Love Story: सासू मुलीच्या होणाऱ्या नवऱ्यासोबत पळाली. या बातमीने देशभरात खळबळ उडवून दिली होती. या घटनेची चर्चाही झाली. मुलीच्या होणाऱ्या नवऱ्यासोबत पळून गेलेल्या या सासूची लव्हस्टोरी सोशल मीडियावरही व्हायरल झाली. या सासूचं नाव आहे, सपना देवी. तर ज्यासोबत ती फरार झाली होती, तो राहुल. दोघांना शोधण्यात पोलिसांना यश आले. पण, होणारी सासू सपना देवीला बायको म्हणून स्वीकारण्यास राहुल नकार दिला. त्यामुळे ते निघून गेले, आता त्यांचा ठावठिकाणा सापडला आहे. 

'लोकमत'चं WhatsApp चॅनल फॉलो करा!

सपना देवी आणि राहुल हे दोघे मूळचे उत्तर प्रदेशचे. अलिगढ जिल्ह्यातील मनोहरपूर कायस्थ गावातील. सपना देवीच्या मुलीशी राहुलचे लग्न ठरले होते. पण, लग्नापूर्वीच सपना देवी आणि राहुलमधील बोलणं वाढलं आणि नको तेच घडलं. दोघांचं सूत जुळलं. 

राहुल आणि सपना देवी कुठे आहेत?

सपना देवी आणि राहुल पळून गेले होते. त्यांना पोलिसांनी शोधलं. त्यांना नंतर सोडून देण्यात आलं. राहुल सपना देवीला घेऊन घरी आला. त्याच्या कुटुंबीयांना सपना देवीला घरात घेण्यास नकार दिला. त्यामुळे ते निघून गेले. 

वाचा >>मुंबईतील प्रतिष्ठित कॉलेजमध्ये विद्यार्थिनीचा संशयास्पद मृत्यू, कुटुंबीयांचा गंभीर आरोप

आता त्यांच्याबद्दलची माहिती कळली आहे. कुटुंबीयांनी घरात घेण्यास नकार दिल्यानंतर राहुल आणि सपना देवी निघून गेले. ते दोघे सध्या गुजरातमध्ये आहेत. दोघे गुजरातला जाण्याचे कारण म्हणजे राहुल आधीपासूनच गुजरातमध्ये कामाला होता. सपना देवीला घेऊन तो गुजरातला आला आणि आता ते तिथेच राहत आहेत. 

राहुलचे लग्न सपना देवीच्या मुलीसोबत होणार होते. १६ एप्रिल रोजी लग्न होणार होते, त्यापूर्वीच म्हणजे ६ एप्रिल रोजी ते पळून गेले होते. १० दिवसांनी पोलिसांना त्यांना पकडले होते.