अनैतिक संबंधांचा संशय, जमावाने तरुण आणि महिलेला तीन दिवस कोंडून ठेवले, नंतर निर्वस्त्र करून गावभर फिरवले

By ऑनलाइन लोकमत | Published: September 29, 2021 02:43 PM2021-09-29T14:43:54+5:302021-09-29T14:44:47+5:30

Crime News: अनैतिक संबंधांचा आरोप करून एक तरुण आणि एका महिलेला तीन दिवस कोंडून ठेवल्याची आणि नंतर निर्वस्त्र करून संपूर्ण गावातून फिरवल्याची धक्कादायक घटना समोर आली आहे.

Suspecting an illegal relationship, the young man and woman were detained for three days, then stripped naked and taken around the village | अनैतिक संबंधांचा संशय, जमावाने तरुण आणि महिलेला तीन दिवस कोंडून ठेवले, नंतर निर्वस्त्र करून गावभर फिरवले

अनैतिक संबंधांचा संशय, जमावाने तरुण आणि महिलेला तीन दिवस कोंडून ठेवले, नंतर निर्वस्त्र करून गावभर फिरवले

Next

रांची - अनैतिक संबंधांचा आरोप करून एक तरुण आणि एका महिलेला तीन दिवस कोंडून ठेवल्याची आणि नंतर निर्वस्त्र करून संपूर्ण गावातून फिरवल्याची धक्कादायक घटना समोर आली आहे. (Crime News) या प्रकरणी पोलिसांनी गावच्या सरपंचासह चार आरोपींना अटक केली आहे. ही घटना सोमवारी संध्याकाळी दुमका जिल्ह्यातील बडतल्ली पंचायतीमधील मयूरनाचा गावात घडली. ग्रामस्थांनी या प्रेमी युगुलाला नग्नावस्थेमध्ये गावातून फिरवले. यादरम्यान, त्यांचा व्हिडीओ चित्रित करून तो सोशल मीडियावर व्हायरल केला. त्यानंतर पीडितांनी सोमवारी रात्री उशिरा मुफ्फसिल ठाण्यात जाऊन न्यायाची मागणी केली. (Suspecting an illegal relationship, the young man and woman were detained for three days, then stripped naked and taken around the village)

विवाहित महिला आणि तिच्या प्रियकराला जमावाने नग्न करून गावभर त्यांची धिंड काढल्याचा आरोप आहे. मयूरनाचा गावामध्ये सदर महिलेचे सासर आहे. या महिलेचा पती गेल्या वर्षभरापासून दुमका येथील तुरुंगात आहे. ही महिला दुमका येथे मोलमजुरी तिचे आणि तिच्या तीन मुलांचे पालनपोषण करते. मोलमजुरी करत असतानाच तिची ओळख कोल्हडिया गावातील एका तरुणाशी झाली. सदर युवक सुद्धा विवाहित असून तो दोन मुलांचा पिता आहे. सोमवारी संध्याकाळी तो महिलेला भेटण्यासाठी तिच्या घरी आला होता. तेव्हा गावातील चार-पाच तरुणांनी या दोघांना पकडले. त्यानंतर गावातील ५०-६० लोक गोळा झाले. त्यांनी ही महिला आणि तरुणाच्या अंगावरचे कपडे उतरवून त्यांना विवस्त्र केले. त्यानंतर या दोघांची नग्नावस्थेत गावातून धिंड काढत त्यांना गावाबाहेर नेले. सदर तरुणी आणि महिला हे वेगवेगळ्या समाजातील आहेत.

दरम्यान, मयूरनाचा गावाच्या शेजारी असलेल्या सकरभंगा गावातील काही लोकांनी जेव्हा हा लाजिरवाणा प्रकार पाहिला तेव्हा याचा विरोध केला. तेवढ्यात दुमका मुफस्सिल पोलीस ठाण्यातील पोलिसांना याची माहिती मिळाल्यावर तेही घटनास्थळी दाखल झाले. त्यांनी सदर महिला आणि तरुणाला जमावाच्या तावडीतून सोडवून पोलीस ठाण्यात आणले. दुमका मुफस्सिल पोलीस ठाण्याचे प्रभारी इन्स्पेक्टर उमेश राम यांनी सांगितले की, या प्रकरणी ४ ज्ञात आणि ५०-६० अज्ञात लोकांविरोधात गुन्हा दाखल करण्यात आला आहे. तर चार जणांना अटक करण्यात आली आहे. 
 

Web Title: Suspecting an illegal relationship, the young man and woman were detained for three days, then stripped naked and taken around the village

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app