Sonam Raghuwanshi: सोनमच्या हातात काठी, पाठीमागे चालतोय राजा; हत्येपूर्वी युट्यूबरच्या व्हिडीओत झाले कैद

Sonam Raghuwanshi Latest News: एक व्हिडीओ समोर आलाय, ज्यात राजा रघुवंशी आणि सोनम एकत्र चालताना दिसत आहे. सोनम हातात काठी धरून चालताना दिसत आहे. 

Sonam Raghuwanshi Latest Video: हनिमूनसाठी मेघालयात गेलेल्या राजा रघुवंशी आणि सोनम रघुवंशीचा एक नवीन व्हिडीओ समोर आला आहे. यात सोनम रघुवंशी आणि राजा दिसत आहेत. एक पर्यटक व्हिडीओ बनवत असताना राजा आणि सोनम समोरून येताना दिसतात. त्यात सोनम पुढे, तर राजा पाठीमागे चालताना दिसत आहे. 

'लोकमत'चं WhatsApp चॅनल फॉलो करा!

सोनम रघुवंशी आणि राजा रघुवंशी यांचा हा व्हिडीओ मेघालयात फिरत असतानाचा आहे. देवसिंग या व्यक्तीने फिरत असताना व्हिडीओ शूट केला. त्यात सोनम आणि राजा हे दोघेही त्याच्या समोरून जाताना दिसत आहे.

सोनम आणि राजाचा हा व्हिडीओ कुठला?

योगायोगाने कॅमेऱ्यात कैद झालेल्या सोनम आणि राजाचा व्हिडीओ त्याने सोशल मीडियावर शेअर केला आहे. २३ मे रोजी मी मेघालयातील डबल डेकर रूट ब्रिजवर जात होतो आणि व्हिडीओ रेकॉर्ड केला होता. काल मी व्हिडीओ बघत होतो आणि मला इंदूरमधील जोडपे रेकॉर्ड झाल्याचे दिसले. ती सकाळची ९.४५ वाजेदरम्यानची वेळ होती. आम्ही खाली जात होतो आणि नोगरिएट गावात मुक्काम केल्यानंतर कपल वर जात होते. 

राजा रघुवंशी की हत्या से ठीक पहले का Video वायरल, गलती से टूरिस्ट के कैमरे में हो गया था रिकॉर्ड, पति के आगे चलती दिखी सोनम pic.twitter.com/yNzGFOeRCF

— Kanchan Dogra Negi (@kanchandogra8) June 16, 2025

पुढे देवसिंगने म्हटले आहे की, 'मला वाटतं की हा या जोडप्याचा शेवटचा व्हिडीओ आहे. सोनमने तोच पांढरा र्ट घातलेला दिसत आहे, जो राजाच्या मृतदेहाजवळ सापडला. मला आशा आहे की हा व्हिडीओमुळे मेघालय पोलिसांना तपास करायला मदत होईल.'

वाचा >>सोनम रघुवंशी आणि बॉयफ्रेंड राज कुशवाहचा २ वर्षांपूर्वीचा फोटो, चेहऱ्यावर दिसतोय आनंद

मला राजाबद्दल वाईट वाटतंय, कारण...

व्हिडीओ शेअर करणाऱ्या देवसिंगने म्हटले आहे की, जितक्या वेळा मी व्हिडीओमध्ये राजाला बघितले, मला खूप वाईट वाटले. तो नॉर्मल वाटतोय, पण पुढे काय त्याची वाट बघत आहे, याबद्दल त्याला कसलीही कल्पना नाही. माझ्याकडे आणखी एक व्हिडीओ आहे, ज्यात इंदूरमधील तीन लोकही दिसत आहे. ते राजा आणि सोनमच्या २० मिनिटं आधी निघाले होते.