Sonam Raghuwanshi: सोनम आणि तिच्या बॉयफ्रेंडने कशी केली राजाची हत्या? पोलीस आरोपींना घेऊन 'त्या' ठिकाणी

Sonam Raghuwanshi Latest News: सोनम रघुवंशीने बॉयफ्रेंड आणि त्याच्या मित्राच्या मदतीने राजा रघुवंशीची हत्या केली. त्यांनी हत्या कशी केली? हा सगळा घटनाक्रमाचा तपास पोलिसांकडून केला जात आहे. 

Sonam Raghuwanshi Video: हनिमूनसाठी मेघालयात गेल्यानंतर सोनम रघुवंशी राजा रघुवंशीचा काटा काढला. बॉयफ्रेंड राज कुशवाहसोबत मिळून सोनमने राजाची हत्या करण्याचा कट रचला आणि राजच्या मित्राच्या मदतीने शिलाँगमध्ये राजाला संपवलं. राजाची हत्या कशा पद्धतीने करण्यात आली, याचा तपास पोलीस करत असून, आता आरोपींना ज्या ठिकाणी हत्या करण्यात आली तिथे आणण्यात आले आहे. 

'लोकमत'चं WhatsApp चॅनल फॉलो करा!

राजा रघुवंशी आणि सोनम हे लग्नानंतर हनिमूनसाठी गेले होते. पण, सोनमने हनिमूनला जाण्यापूर्वीच राजाच्या हत्येचा प्लॅन तयार केला होता, अशी माहिती आतापर्यंतच्या पोलीस तपासातून समोर आलेली आहे. राजाची धारदार शस्त्राने हत्या करून नंतर मृतदेह दरीत फेकण्यात आला होता. 

राजा रघुवंशीची कशी केली हत्या? 

सोनम राजाला अशा ठिकाणी घेऊन गेली, जिथे लोक नव्हते. तिथे नेल्यानंतर त्याची राज आणि त्याच्या मित्रांच्या मदतीने हत्या केली. पण, आरोपींना राजाची हत्या करण्यापूर्वी काय केलं? हत्या कशी केली आणि हत्या केल्यानंतर काय केलं? हा सगळ्या घटनाक्रम समजून घेण्यासाठी पोलीस आरोपींना सोहरातील त्या ठिकाणी पोहोचले. 

#WATCH | Raja Raghuvanshi Murder Case | Meghalaya: A team of Forensic Crime Scene Unit arrives at Wei Sawdong Falls in Sohra.

SDRF and Police team have also reached the spot. Today, Meghalaya Police team, along with the accused persons, will reach here to conduct the crime… pic.twitter.com/baXZkM7ds0

— ANI (@ANI) June 17, 2025

कुठे केली होती राजाची हत्या?

सोहरामध्ये वेई सावडोंग धबधबा आहे, ज्याला तीन स्तरीय धबधबा म्हणूनही ओळखले जाते. याच ठिकाणी सोनमने राज आणि त्याच्या मित्राच्या मदतीने राजाची हत्या केली होती. आरोपींनी राजा कसे संपवले याचा पूर्ण सीन रिक्रिएट करण्यात आला. 

#WATCH | Raja Raghuvanshi murder case | Police reach the crime spot with three accused, including Sonam Raghuvanshi, for crime scene reconstruction, at Wei Sawdong Falls, Cherrapunji pic.twitter.com/YsAt3uwVEz

— ANI (@ANI) June 17, 2025

मेघालयाच्या पोलीस महासंचालक इदाशिशा नोंग्रांग यांनी पीटीआयशी बोलताना सांगितले की, या प्रकरणात आणखी कुठली बाजू आहे का, त्याचाही आम्ही तपास करत आहोत. कारण ही खूपच दुर्मिळ घटना आहे की, लग्नानंतर काही दिवसांतच तिच्या (सोनम) मनात पतीबद्दल इतका द्वेष तयार झाला होता.

वाचा >>बॉयफ्रेंडनेच केली शीतलची हत्या! अपघाताचा बनाव, पण सुनील अडकला; हत्येचे कारण अखेर समोर 

सोनम रघुवंशी (२५) आणि राजा रघुवंशी (२९) यांचे ११ मे रोजी इंदूरमध्ये लग्न झाले होते. लग्नानंतर दहा दिवसांनी म्हणजे २१ मे रोजी ते हनिमूनसाठी आसाममधील गुवाहाटी मार्गे मेघालयात गेले होते. 

२३ मे रोजी पूर्व खासी हिल्स जिल्ह्यातील सोहरामध्ये असलेल्या नोंगरियाट गावात त्यांनी मुक्काम केला. त्यानंतर ते बाहेर पडले आणि बेपत्ता झाले होते. त्यानंतर २ जून रोजी राजाचा मृतदेहच पोलिसांना मिळाला. तर ९ जून रोजी सोनमला उत्तर प्रदेशातील गाजीपूरमधून अटक करण्यात आली. त्यानंतर या प्रकरणाच्या तपासाला वेग आला.