धक्कादायक! चहाच्या टपरीमागे नेत अल्पवयीन मुलीवर अत्याचाराचा प्रयत्न; गळ्याला चाकू लावला अन्...

Crime news Pune: दौड तालुक्यात खळबळ उडाली असून पोलीस पथक घटनास्थळी दाखल झाले असून पोलीस तपास तपास चालू आहे.

लोकमत न्यूज नेटवर्क 

भिगवण : पुणे सोलापूर राष्ट्रीय महामार्गावर पालकांना चाकूचा धाक दाखवून लुटमार करत १७ वर्षीय अल्पवयीन मुलीवर अतिप्रसंग झाल्याची धक्कादायक घटना स्वामी चिंचोली (ता.दौंड) गावच्या हद्दीत सोमवारी (दि ३०) पहाटेच्या सुमारास घडली. 

यामुळे दौड तालुक्यात खळबळ उडाली असून पोलीस पथक घटनास्थळी दाखल झाले असून पोलीस तपास तपास चालू आहे. याबाबत दौंड पोलिसांकडून तपास केला जात आहे. घटना घडल्यानंतर पीडित तरुणीच्या पालकांनी डायल ११२ ला फोन करून माहिती दिल्याने गुन्हा दाखल करण्यात आला  आहे. याबाबत अतिरिक्त पोलीस अधिक्षक गणेश बिराजदार यांनी सांगितले की,या घटनेमध्ये स्वामी चिंचोली पाटीवर चहा पिण्यासाठी थांबले असता विनानंबरच्या दुचाकी दोन युवक येवून चाकूचा धाक दाखवून सोन्याची चोरी केली. तसेच त्या गाडीतील एका अल्पवयीन तरुणीला लगतच्या टपरीच्या आडोश्याला नेवून अतिप्रसंग करण्याचा प्रयत्न केला असल्याचा गुन्हा दौंड पोलीस स्टेशनला दाखल असून सदर गुन्ह्याचा तपास चालू आहे.

या घटनेतील पीडिता हिला विश्वासात घेवून पोलिस घटनेची माहिती घेत आहेत. यामध्ये प्रवाशी वाहनातील प्रवाशांना चाकुचा धाक दाखविल्यानंतर तरुणीला बाजुले नेले होते. त्याच्या 5 मिनिटानंतर लगेचच पुन्हा आरोपी माघारी आले. एवढ्या वेळात अतिप्रसंग झाला की नाही असाही प्रश्न निर्माण झाला होता. पीडित तरुणीने असा काही प्रसंग झालाच नसल्याची प्राथमिक माहिती दिली आहे. यामुळे याबाबत प्रश्नचिन्ह निर्माण झाले आहे.