अमेरिकेची एक महिला लॉकडाऊनाधी भारताच्या दौऱ्यावर आली होती. ती भारतामध्ये अध्यात्मिक प्रशिक्षण घेत होती. ही महिला लॉकडाऊन झाल्याने तामिळनाडूच्या तिरुवन्नामलाई येथे भाड्याने खोली घेऊन राहत होती. अशावेळी तिच्यावर बलात्काराचा प्रयत्न झाला. मात्र, तिला मार्शल आर्ट येत असल्याने इज्जत वाचली आहे. या व्यक्तीला या महिलेने धु धु धुतले आहे.
ही महिला मार्चमध्ये तिरुवन्नामलाईला शिफ्ट झाली होती. लॉकडाऊनमुळे ती तिथेच अडकली होती. यादरम्य़ान तिने राहण्यासाठी भाड्याने घर घेतले व व्हिसाची मुदतही वाढवून घेतली. रविवारी ही महिला तिच्या घराबाहेर उभी होती. यावेळी तिथे भगवी वस्त्रे परिधान केलेल्या एका व्यक्तीने तिच्यावर बलात्काराचा प्रयत्न केला.
मात्र, या व्यक्तीला ती महिला मार्शल आर्टची मास्टर आहे हे माहिती नव्हते. आपल्यावर बलात्काराचा प्रयत्न होतोय हे पाहून तिने त्या व्यक्तीला चांगलाच इंगा दाखवला. लाथा बुक्क्यांनी एवढी मारहाण केली की त्या व्यक्तीच्या नाका-तोंडातून रक्त येऊ लागले. यानंतर आजुबाजुच्या लोकांनी महिलेचा आवाज ऐकून धाव घेतली. या लोकांनी या बलात्कार करण्याचा प्रयत्न करणाऱ्या आरोपीला पोलिसांच्या ताब्यात दिले. या आरोपीचे नाव मनीकंदन असे सांगितले जात आहे.
हा व्यक्ती साधू असल्याचे सांगत होता. त्याला स्थानिक मंदिरांच्या परिसरात अनेकदा पाहिले गेले आहे. तो नामाकलचा राहणारा असून पोलिसांनी सांगितले की या प्रकरणी चौकशी सुरु आहे.
अन्य महत्वाच्या बातम्या...
सदाभाऊ खोत यांना कोरोनाची लागण; झाले क्वारंटाईन
किम जोंग उन जिवंत! बोलावली आपत्कालीन बैठक; उत्तर कोरियाकडून पुन्हा फोटोद्वारे 'दर्शन'
CoronaVirus News लस टोचल्यानंतरही कोरोनाची लागण होणार? तेलंगानातील रिपोर्ट चिंता वाढविणारा
CoronaVirus News: गंभीर इशारा! थंडीत लस अशक्य; पण कोरोनाची दुसरी मोठी लाट येण्याची शक्यता
कौन बनेगा? तुम्ही देखील बनू शकता करोडपती; रोज फक्त 30 रुपये बाजुला काढा