Sonam Raghuvanshi : "सोनम खूप घाबरलेली...", राजा रघुवंशी हत्या प्रकरणात नवी एन्ट्री; कोण आहे उजाला यादव?

Sonam Raghuvanshi And Raja Raghuvanshi : राजा रघुवंशी हत्या प्रकरणात रोज नवनवीन खुलासे होत आहेत. याच दरम्यान आता गाझीपूरच्या सैदपूर येथील रहिवासी उजाला यादवची यामध्ये एन्ट्री झाली आहे.

इंदूरच्या राजा रघुवंशी हत्या प्रकरणात रोज नवनवीन खुलासे होत आहेत. याच दरम्यान आता गाझीपूरच्या सैदपूर येथील रहिवासी उजाला यादवची यामध्ये एन्ट्री झाली आहे. UPTAK शी साधलेल्या संवादात उजालाने सांगितलं की, ती ८ जूनच्या रात्री सोनम रघुवंशीसोबत वाराणसी रोडवेज प्लॅटफॉर्म क्रमांक ७ वरून गाझीपूरच्या सैदपूरला जात होती. सोनम रघुवंशीशी भेट झाली आणि तिला गाझीपूरला नाही तर गोरखपूरला जायचं होतं.

८ जून रोजी रात्री १० ते ११ वाजेपर्यंत सोनम तिच्यासोबत गाझीपूरच्या सैदपूरच्या पुढे रोडवेज बसमध्ये गेली. त्यानंतर उजाला तिच्या गावासमोरील मुख्य रस्त्यावर उतरली. सोनम बसने पुढे गेली. यानंतर सोनम नंदगंज पोलीस स्टेशनजवळील काशी ढाब्यावर पोहोचली. सकाळी टीव्ही आणि मोबाईलवर बातम्यांमध्ये तिने तिला पाहिलं तेव्हा तिने ओळखलं की ती काल रात्रीची तीच मुलगी आहे. सोनमने तिचा फोनही मागितला होता पण नंबर टाइप केल्यानंतर तिने तो डिलीट केला आणि फोन केला नाही. ती थोडी काळजीत दिसत होती.

सोनम रघुवंशी आणि बॉयफ्रेंड राज कुशवाहचा २ वर्षांपूर्वीचा फोटो, चेहऱ्यावर दिसतोय आनंद

उजाला यादव म्हणाली की, सोनम रघुवंशी वारंवार विचारत होती की गोरखपूर किती दूर आहे. ती खूप घाबरली होती. त्यानंतर उजाला यादवने नंदगंज पोलीस स्टेशनच्या पोलिसांना फोन करून सांगितलं की, तिने सोनम रघुवंशीला दोन मुलांसोबत पाहिलं आहे. सकाळी टीव्ही आणि सोशल मीडियावरील बातम्यांमध्ये सोनम रघुवंशीचा फोटो पाहिल्यावर तिने सोनमला ओळखलं.

"मी कोणाशीही लग्न केलं तरी मी तुझीच गर्लफ्रेंड...", सोनमसमोर स्टेजवर ढसाढसा रडला राज

"सोनम वयाने मोठी, बॉस होती, राज फक्त नोकर"; आईने घेतली लेकाची बाजू, म्हणाली...

मेघालय पोलीस उजाला यादवच्या संपर्कात आहेत आणि माहिती घेत आहेत. मात्र उजालाने दिलेल्या माहितीमुळे या प्रकरणाला नवं वळण मिळालं आहे. पोलीस याता अधिक तपास करत आहेत. शिलाँगमध्ये हनिमूनला गेल्यावर राजा रघुवंशीची हत्या करण्यात आली. या हत्या प्रकरणात राजाची पत्नी सोनमसह आणखी लोकांना अटक करण्यात आली आहे.