Raja Raghuvanshi and Sonam: हनिमूनला गेलेल्या राजा आणि सोनमचा पोलिसांना मिळाला सीसीटीव्ही व्हिडीओ

Raja Raghuvanshi and Sonam Latest News: हनिमूनसाठी मेघालयातील शिलाँगला गेलेले इंदौरचे राजा रघुवंशी आणि सोनम हे जोडपे बेपत्ता झाले. शिलाँग पोलिसांना दोघांचा एक सीसीटीव्ही मिळाला आहे.

Raja Raghuvanshi and Sonam News: राजा रघुवंशी आणि सोनम हे जोडपे हनिमूनसाठी शिलाँगला गेले. पण, २३ मे रोजी ते बेपत्ता झाले. हे प्रकरण समोर आल्यानंतर खळबळ उडाली. २ जून रोजी राजा रघुवंशीचा मृतदेह सापडला. मात्र, सोनम अजूनही बेपत्ता आहे. दरम्यान, तपास करत असलेल्या शिलाँगला पोलिसांच्या हाती एक व्हिडीओ लागला आहे. या व्हिडीओमध्ये राजा रघुवंशी आणि सोनम हे दोघे हॉटेलमध्ये प्रवेश करताना दिसत आहे. 

'लोकमत'चं WhatsApp चॅनल फॉलो करा!

राजा रघुवंशी आणि सोनम प्रकरणातील गुढ दिवसेंदिवस वाढत चालले आहे. राजा रघुवंशीचा मृतदेह सापडला आहे. त्याच्या मृतदेहाशेजारी सोनमचा शर्ट पोलिसांना मिळाले. पण, सोनमबद्दल अजूनही काही समोर आलेले नाही. 

शिलाँगमधील हॉटेलमधील व्हिडीओ

या प्रकरणाचा तपास करत असताना शिलाँग पोलिसांना एक व्हिडीओ मिळाला आहे. हा व्हिडीओ शिलाँगमधील एका हॉटेलमधील आहे, जिथे राजा रघुवंशी आणि सोनम थांबलेले होते. हॉटेलमधील सीसीटीव्ही कॅमेऱ्यात राजा रघुवंशी आणि सोनम हॉटेलमध्ये जाताना दिसत आहे. राजा आणि सोनम हॉटेलमधून बाहेर पडल्यावर कुठे गेले आणि त्यांच्यासोबत नेमक काय झाले, याचा व्हिडीओच्या आधाराने पोलीस शोध घेत आहेत.

वाचा >>उपचारासाठी बलात्कार पीडितेच्या घरी गेलेल्या डॉक्टरला तालिबानी शिक्षा; फरफटत नेले अन्...

पूर्व खासी हिल्सचे पोलीस अधीक्षक विवेक सीएम यांनी सांगितले की, सीसीटीव्ही फुटेजची तपासणी केली जात आहे. हा व्हिडीओ या प्रकरणाचा उलगडा करण्यात महत्त्वाचा दुवा ठरू शकतो. 

रात्री मुक्काम केला अन्...

२१ मे रोजी मेघालयातील शिलाँगला पोहोचल्यानंतर राजा रघुवंशी आणि सोनम हे जोडपे २२ मे रोजी दुचाकी भाड्याने घेऊन फिरायला गेले होते. ते मावलखियाट गावात पोहोचले होते. तिथून ते ३००० पायऱ्या चढून नोंग्रियाट गावातील लिव्हिंग रुट्स पूल बघायला गेले होते. 

दोघांनी नोंग्रियाटमधील शिपारामध्ये मुक्काम केला आणि २३ मे रोजी सकाळी ते परत निघाले होते. तेव्हापासून ते बेपत्ता झाले. २४ मे रोजी शिलाँग सोहरा मार्गावरील सोहरारिममधील एका कॅफे बाहेर त्यांची दुचाकी बेवारस अवस्थेत आढळून आली होती. 

राजा रघुवंशाची सापडला मृतदेह

या प्रकरणाची माहिती पोलिसांना मिळाली. पोलिसांनी दोघांचा शोध घेण्यास सुरूवात केली. २ जून रोजी मेघालय पोलिसांना वेईसावडाँग धबधब्याजवळील एका दरीत राजा रघुवंशीचा मृतदेह मिळाला. हातावर राजा असे लिहिलेले असल्यामुळे त्याची ओळख पटली. पोस्टमार्टम रिपोर्टमध्ये राजाची हत्या धारदार शस्त्राने केली असल्याचे म्हटले आहे.