स्कूटरवरून आले, सामान हॉटेलमध्ये ठेवलं अन्...; राजा आणि सोनम बेपत्ता होण्यापूर्वीच्या CCTV व्हिडीओमध्ये काय?
By ऑनलाइन लोकमत | Updated: June 7, 2025 14:03 IST2025-06-07T13:59:52+5:302025-06-07T14:03:58+5:30
Raja Raghuvanshi and Sonam Latest Video: हनिमूनसाठी शिलाँगला गेलेल्या आणि अचानक बेपत्ता झालेल्या सोनम आणि राजाचा आणखी एक सीसीटीव्ही व्हिडीओ समोर आला आहे. हा व्हिडीओ चार मिनिटांचा आहे.
स्कूटरवरून आले, सामान हॉटेलमध्ये ठेवलं अन्...; राजा आणि सोनम बेपत्ता होण्यापूर्वीच्या CCTV व्हिडीओमध्ये काय?
Raja Raghuvanshi and Sonam Case Latest Update: लग्नानंतर हनिमूनसाठी मेघालयातील शिलाँगमध्ये गेलेल्या राजा रघुवंशी आणि सोनमसोबत काय घडले, हा गुंता अजूनही सुटलेला नाही. राजाचा मृतदेह सापडला, पण सोनमबद्दल अजूनही काहीही कळालेले नाहीत. तपास सुरू असतानाच एक सीसीटीव्ही व्हिडीओ समोर आला आहे. चार मिनिटांच्या व्हिडीओमध्ये सोनम आणि राजा दिसत आहेत. स्कूटरवरून होमस्टेला आले आणि परत जाताना ते दिसत आहे.
'लोकमत'चं WhatsApp चॅनल फॉलो करा!
टी७ न्यूज या वृत्तवाहिनीने पहिल्यांदा हा सीसीटीव्ही व्हिडीओ शेअर केला आहे. या व्हिडीओमध्ये सोनम आणि राजा दिसत आहेत. राजाच्या मृतदेहाजवळ महिलेचा एक पांढरा शर्ट सापडला होता. या व्हिडीओमध्ये सोनमच्या अंगावर पांढरा शर्ट दिसत आहे.
राजा आणि सोनमचा शेवटचा सीसीटीव्ही व्हिडीओ
चार मिनिटे आणि ५३ सेकंदाचा हा व्हिडीओ आहे. सुरूवातीला दोघेही स्कूटरवरून शिलाँगमधील एका होमस्टेच्या बाहेर येऊन थांबतात. दोघांच्या अंगावर काळ्या रंगाचा रेनकोट दिसत आहे. त्यांच्याजवळ एक पांढर्‍या रंगाची बॅग आहे.
स्कूटर उभी केल्यानंतर दोघेही खाली उतरतात. दोघे एकमेकांशी बोलताना दिसतात. त्यानंतर राजा होमस्टेच्या रिसेप्शन काऊंटरकडे जातो. त्याचवेळी सोनम बाहेर उभी असल्याचे दिसत आहे. ती रेनकोट काढते आणि केस नीट करते.
वाचा >>"माझी हत्या झालीय", भावाच्या स्वप्नात आला राजा; कुटुंबीयांनी केली CBI चौकशीची मागणी
थोड्या वेळाने राजा बाहेर येतो. त्यानंतर दोघेही काही गोष्टी सुटकेसमधून बाहेर काढतात. त्या स्कूटरच्या डिक्कीमध्ये ठेवतात आणि सामानाची बॅग हॉटेलमध्ये नेऊन ठेवतात. त्यानंतर दोघेही स्कूटर घेऊन फिरायला निघून जात असल्याचे दिसत आहे.
indore missing couple: Sonam Raja Raghuvanshi का नया CCTV आया सामने pic.twitter.com/LJBNYdBvIW
— Umesh Bhardwaj #TimesNow_NavBharat (@umeshindore) June 7, 2025
हा सीसीटीव्ही व्हिडीओ २२ मे रोजीचा आहे. त्याच्या दुसऱ्याच दिवशी दोघेही बेपत्ता झाले. त्यानंतर २ जून रोजी राजा रघुवंशीचा मृतदेह सापडला. होमस्टेपासून २० किमी अंतरावर असलेल्या एका खोल दरीत राजाचा मृतदेह आढळून आला होता. त्याचा मृतदेह इंदौरला आणून अंत्यसंस्कार करण्यात आले. तर मागील १५ दिवसांपासून सोनमचा शोध सुरूच आहे.