पोलीस अधिकाऱ्याचं पोलीस महिलेशी होतं लफडं, बायकोने रंगेहाथ पकडलं अन् ...

Crime News : मध्यप्रदेशातील ग्वाल्हेरमध्ये हा प्रकार घडला. 

ठळक मुद्दे सहाय्य्क पोलीस उपनिरीक्षक (ASI) असलेल्या पतीला तिने पोलिसांच्या ताब्यात दिले आहे. मुरार ठाणे पोलीस ठाण्यात महिलेने या दोघांच्या विरोधात तक्रार दाखल केली आहे.

मध्यप्रदेशात पोलिसालाच त्याच्या पत्नीने रंगेहाथ प्रेयसीसोबत पकडले. त्यामुळे तणावपूर्ण वातावरण निर्माण झाले होते. यानंतर सहाय्य्क पोलीस उपनिरीक्षक (ASI) असलेल्या पतीला तिने पोलिसांच्या ताब्यात दिले आहे. मध्यप्रदेशातील ग्वाल्हेरमध्ये हा प्रकार घडला. 

या प्रकरणातील पीडित महिलेला नवऱ्यावर संशय होता. तो प्रेयसीसोबत ग्वाहलेरमधल्या एका फ्लॅटमध्ये असल्याचे माहिती तिला समजते आणि ती नातेवाईकांसह अचानक त्या फ्लॅटवर पोहचते आणि दरवाजा ठोठावते. त्यावेळी नवऱ्याचे पितळ उघडं होतं. 

पत्नीला दारावर पाहिल्यानंतर तिच्या नवऱ्याची आणि प्रेयसीची चांगलीच तारांबळ उडाली. विशेष सांगायचे म्हणजे ती प्रेयसी देखील पोलीस कर्मचारी आहे. दरवाजा ठोठावल्यानंतर त्यांनी सुरुवातीला दार उघडण्याचं टाळलं, मात्र घराबाहेर गोंधळाचे वातावरण निर्माण झाल्याने त्यांना अखेर दार उघडावं लागलं. पीडित महिला आणि नातेवाईकांनी घराची पाहणी केल्यानंतर त्यांना घरात महिलेचे कपडे आढळले. सुरुवातीला नवऱ्यानं उडवाउडवीची उत्तरं दिली. प्रेयसी बाथरुममध्ये लपली होती. महिलेच्या नातेवाईकांनी बाथरुमचा दरवाजा तोडण्याची धमकी दिल्यानंतर नाइलाजास्तव तिला बाहेर पडावं लागलं. प्रेयसीला पाहताच पीडित महिला आणि नातेवाईकांचा राग अनावर झाला. त्यांनी दोघांचीही चांगलीच खरडपट्टी काढली. त्यानंतर मुरार ठाणे पोलीस ठाण्यात महिलेने या दोघांच्या विरोधात तक्रार दाखल केली आहे. दरम्यान पोलिसांनी दोघांनाही अटक न करता सोडून दिल्याने पीडित महिलेने नाराजी व्यक्त केली आहे.