Latest Crime News | गुन्हेगारी मराठी बातम्या | Crime Marathi News | Latest Crime News in Marathi | क्राइम ताज्या मराठी बातम्या

मुंबई : एका १९ वर्षीय तरुणीला नोकरीचे प्रलोभन दाखवत तिच्यावर बळजबरीने लैंगिक अत्याचार केल्याचा आरोप आहे. याप्रकरणी साकीनाका पोलिसात गुन्हा दाखल करून तो अंधेरीच्या एमआयडीसी पोलिसांकडे वर्ग करण्यात आला आहे. त्यानुसार पोलिसांनी समाज सेवक प्रफुल्ल लोढा (६३) या व्यक्तीला गुरुवारी अटक केल्याचे अधिकाऱ्यांनी सांगितले. एमआयडीसी पोलिसांनी दिलेल्या माहितीनुसार, पीडित तरुणीची आर्थिक परिस्थिती हालाखीची आहे. तिच्या तक्रारीनुसार, या तरुणीला लोढा याने नोकरीचे प्रलोभन दाखविले होते. याच बहाण्याने त्याने तिला अंधेरीतील एका हॉटेलमध्ये भेटायलाही बोलवले. पीडित तरुणी त्याठिकाणी पोहोचल्यानंतर त्याने तिथे तिच्यावर जबरी संबंध प्रस्थापित केले. हा प्रकार तिच्या संमतीशिवाय घडल्याचा आरोप आहे. पाच दिवसांची पोलीस कोठडीपीडितेने कुटुंबीयांना याबाबत सांगितल्यावर त्यांनी तिला रुग्णालयात नेले. तेथे तिच्यावर अत्याचार झाल्याचे उघड झाले. त्यानंतर मुलीने साकीनाका पोलिसांकडे धाव घेतली. पोलिसांनी पीडितेचा जबाब नोंदवत ७ जुलै रोजी लोढा विरोधात गुन्हा दाखल केला. ही घटना अंधेरी पूर्वच्या एमआयडीसी पोलिसांच्या हद्दीत घडल्याने हे प्रकरण पुढील तपासासाठी एमआयडीसी पोलिसांकडे वर्ग करण्यात आले. पोलिसांनी प्रफुल लोढाला १७ तारखेला अटक करून स्थानिक न्यायालयात हजर केले असता त्याला पाच दिवसांची पोलीस कोठडी सुनावण्यात आली आहे, असे पोलिसांनी सांगितले.

Crime (Marathi News)

Ratnagiri Crime News: शनिवारी मध्यरात्री विनोद तांबे याच्यावर धारदार शस्त्राने वार करण्यात आले. ...

आग्रा येथे पकडलेल्या धर्मांतर टोळीच्या चौकशीदरम्यान धक्कादायक खुलासे झाले आहेत. ...

७० टक्के भाजलेल्या मुलीवर भुवनेश्वर येथील एम्स रुग्णालयात उपचार सुरू असून तिची प्रकृती गंभीर आहे. ...

अमली पदार्थ विक्रीसाठी उल्हासनगर, डोंबिवली, कळवा, मुंब्रा येथे आलेल्या सहाजणांना अटक करण्यात आली. ...

दुकानदारांचे क्यूआर कोड बदलून स्वत:च्या बँक खात्यात वळवणाऱ्या सुरक्षारक्षकाला खार पोलिसांनी अटक केली. ...