Latest Crime News | गुन्हेगारी मराठी बातम्या | Crime Marathi News | Latest Crime News in Marathi | क्राइम ताज्या मराठी बातम्या

पुणे : पत्नीने दुसरा विवाह करुन फसवणूक केल्याने एका तरुणाने गळफास घेऊन आत्महत्या केल्याची घटना वडगाव शेरी परिसरात घडली. याप्रकरणी चंदननगर पोलिसांनी पत्नीसह दोघांविरोधात गुन्हा दाखल केला. सिडनी लाॅरेन्स दोरायराज (३९, रा. शिलानंद हाऊसिंग सोसायटी, सोमनाथनगर, वडगाव शेरी) असे आत्महत्या केलेल्याचे नाव आहे. याबाबत सिडनी यांचा मोठा भाऊ स्टॅन्ली लाॅरेन्स दोरायराज (४१) यांनी चंदननगर पोलिस ठाण्यात फिर्याद दिली आहे. त्यांनी दिलेल्या फिर्यादीनुसार, स्वाती सिडनी दोरायराज (३२) आणि चेतन मोरे (३५, रा. श्रीनिवास टेनामेंट, बडोदा, गुजरात) यांच्याविरोधात गुन्हा दाखल करण्यात आला आहे.पोलिसांनी दिलेल्या माहितीनुसार, स्वाती आणि सिडनी यांचा २०१४ मध्ये विवाह झाला होता. त्यानंतर स्वातीचे चेतन मोरे याच्याशी प्रेमसंंबंध जुळले. कायदेशीर घटस्फोट न घेता, आरोपी चेतन मोरे याच्यासोबत ती राहू लागली. ‘दुसरा विवाह केल्यानंतर मी खुश नाही. मला त्याच्यासोबत राहायचे नाही. मी परत येणार आहे’, असे तिने पती सिडनी याला सांगितले. त्यानंतर स्वातीने तिचा दुसरा पती चेतन याच्याशी संगनमत करुन सिडनीकडून वेळोवेळी १५ लाख १८ हजार रुपये घेतले. परत नांदायला येते असे आमिष दाखवले.त्यानंतर स्वाती नांदायला न आल्याने सिडनीने तिच्याकडे विचारणा केली. त्याने तिच्याकडे पैसे परत मागितले. तेव्हा ‘मी बलात्कार आणि छळ केल्याप्रकरणी गुन्हा दाखल करेल. तू आणखी पैसे पाठव’, अशी धमकी स्वातीने त्याला दिली. पत्नीचा छळ आणि तिच्या धमकीमुळे सिडनीने राहत्या घरात गळफास घेऊन नुकतीच आत्महत्या केली, असे स्टॅन्ली दोरायराज यांनी फिर्यादीत म्हटले आहे. पोलिस उपनिरीक्षक पाटील पुढील तपास करत आहेत.

Crime (Marathi News)

परळीतील महादेव दत्तात्रय मुंडे यांच्या खुनाच्या घटनेस 19 महिने झाले तरी अद्याप आरोपींना अटक करण्यात आलेले नाही. ...

दीड वर्षात ३४८ किलो गांजा जप्त, विद्यार्थ्यांसह कष्टकरी वर्गाला विळखा ...

'Drishyam'-Style Murder: २८ वर्षीय चमन देवी आपल्या २० वर्षांच्या प्रियकरासोबत फरार ...

Sonam Raghuvanshi : हनिमूनदरम्यान पती राजा रघुवंशीच्या हत्येचा कट रचणारी सोनम रघुवंशी सध्या जेलमध्ये आहे. ...

युएईमध्ये एका खोलीत भारतीय महिलेचा मृतदेह आढळून आला असून पतीवर हत्येचा गुन्हा दाखल करण्यात आला आहे. ...

पत्नीने दुसऱ्या पतीशी संगनमत करुन वेळोवेळी १५ लाख रुपये घेतले, तसेच परत नांदायला येते असे आमिष दाखवले ...