Video - भयंकर! २३ सेकंदात १० वेळा सपासप वार; भररस्त्यात सख्ख्या भाच्याने मामाला संपवलं

एका भाच्याने आपल्याच मामाला मारलं आहे. धक्कादायक बाब म्हणजे भाच्याने हे कृत्य भररस्त्यात लोकांसमोर केलं.

बिहारची राजधानी पाटणा येथे एका भाच्याने आपल्याच मामाला मारलं आहे. धक्कादायक बाब म्हणजे भाच्याने हे कृत्य भररस्त्यात लोकांसमोर केलं. या घटनेचा थरकाप उडवणारा व्हिडीओ समोर आला असून त्यामध्ये एक तरुण आपल्या वृद्ध मामावर चाकूने सपासप वार करताना स्पष्टपणे दिसत आहे. १२ फेब्रुवारी रोजी घडलेल्या या घटनेमुळे परिसरात एकच खळबळ उडाली आहे.

६२ वर्षांचा व्यक्तीचा या घटनेत मृत्यू झाला आहे, तर हल्ला करणारा भाचा २६ वर्षांचा आहे. सीसीटीव्ही फुटेजमध्ये दिसत आहे की, सुरुवातीला आरोपी आपल्या मामासोबत रस्त्यावरून अगदी आरामात चालत आहे. तो काही क्षणात इतका भीषण हल्ला करेल, याचा अंदाज कोणालाही येत नाही. व्हिडिओमध्ये सुमारे १० सेकंद तो मामासोबत चालताना दिसतो, तोपर्यंत मामाला आपल्यावर येणाऱ्या संकटाची पुसटशी कल्पनाही नसते.

Trigger Warning

यही है नीतीश के निर्लज्ज चाटुकारों का "सपनों का बिहार";!
हर रोज हर गाँव गली हत्या, हर शहर मोहल्ले में बलात्कार!
सोई नाकारी @bihar_police , बेफ़िक्र भ्रष्ट भाजपा नीतीश सरकार!

पटना में खुलेआम हत्या! हत्यारे को कानून और पुलिस का कोई डर नहीं! भागने की कोई जल्दबाजी… pic.twitter.com/AIqQEI3lmW

— Rashtriya Janata Dal (@RJDforIndia) February 12, 2026

अचानक आरोपी आपल्या मामाच्या मानेवर चाकूने पहिला वार करतो. त्यानंतर पुढच्या अवघ्या २३ सेकंदात तो चाकूने एकामागून एक तब्बल १० वार करतो. वृद्ध मामा जमिनीवर कोसळतो, पण नराधम भाचा वार करणं थांबवत नाही. आपलं काम झालं आहे असे वाटल्यावर तो शांतपणे मागे फिरतो, आपले केस व्यवस्थित सेट करतो आणि आरामात चालत तिथून निघून जातो.

बिहारमधील मुख्य विरोधी पक्ष असलेल्या राष्ट्रीय जनता दलाने (RJD) आपल्या अधिकृत 'X' (ट्विटर) हँडलवर या थरारक घटनेचा व्हिडीओ पोस्ट केला आहे. हा व्हिडीओ शेअर करताना नितीश कुमार सरकारवर कडाडून टीका केली आहे. "हाच का नितीश कुमार यांच्या समर्थकांच्या स्वप्नातील बिहार? दररोज गावात हत्या आणि शहरांमध्ये बलात्कार होत आहेत. बिहार पोलीस सुस्त आहेत आणि भाजपा-नितीश सरकार भ्रष्ट आणि बेफिकीर आहे. पाटण्यात दिवसाढवळ्या हत्या होत आहेत. गुन्हेगाराला कायद्याची आणि पोलिसांची भीती उरलेली नाही, त्याला पळून जाण्याचीही घाई नाही" असं म्हणत निशाणा साधला आहे.