माजी नगराध्यक्षा यांचे पती नामदेव शिनगारे यांची हत्या

पोलीस तपास करीत आहेत.

ठळक मुद्देनगर पालिकेचे कर्मचारी नामदेव भिमराव शिनगारे (वय ५२) यांचा दगडाने ठेचून हत्यात्यांची दुचाकी गाडी घटनास्थळापासून अर्ध्या  किंमीवर पांदन रस्त्यावर उभी असल्याचे आढळले.

धारूर - धारूर शहराच्या माजी नगराध्यक्षा सविता शिनगारे  यांचे पती नगर पालिकेचे कर्मचारी नामदेव भिमराव शिनगारे (वय ५२) यांचा दगडाने ठेचून हत्या केल्याची घटना सोमवारी दुपारी घडली. ही घटना कशी घडली हे मात्र समजू शकले नाही. पोलीस तपास करीत आहेत.

केज धारूर रस्त्या वर धारूर शहरापासून दिड किमी अंतरावर शेतात आंब्याच्या झाडाखाली चेहरा रक्तबंबाळ झालेल्या अवस्थेत नामदेव शिनगारे यांचे प्रेत पडलेले आढळून आले. त्यांची दुचाकी गाडी घटनास्थळापासून अर्ध्या  किंमीवर पांदन रस्त्यावर उभी असल्याचे आढळले. ही घटना दुपारनंतर घडल्याचा अंदाज असून या हत्येच्या घटनेने शहरात मात्र खळबळ माजली आहे.