रांची - झारखंडमधील कोडरमा जिल्ह्यातील नवलशाही ठाणे क्षेत्रात एक धक्कादायक घटना घडली आहे. येथे मामी आणि भाच्याच्या प्रेमाचा अत्यंत भयावह शेवट झाल्याचे समोर आले आहे. (Crime News)मिळत असलेल्या माहितीनुसार १८ वर्षीय सोनू साव आणि २१ वर्षीय बबिता देवी यांच्यात भाचा आणि मामीचे नाते होते. हे दोघेही एकमेकांच्या प्रेमात पडले. अखेरीस या प्रेमी युगुलाने विष प्राशन करून आत्महत्या केली. मृत महिलेला दोन लहान मुले आहेत. (Mami, a mother of two, fell in love with her Nephew, ran away from home and then Both committed suicide)
या प्रकरणी मिळालेल्या माहितीनुसार सोनू आणि बबिता यांच्यात प्रेमप्रकरण सुरू होते. त्यानंतर याबाबत पंचायतही बसली. सगळीकडून येत असलेल्या दबावामुळे हे प्रेमी युगुल चार दिवसांपूर्वी घरातून फरार झाले होते. या प्रकरणी महिलेचा पती रमेश साव याने ५ सप्टेंबर रोजी सदर महिला बेपत्ता असल्याची तक्रार नवलशाही ठाण्यात नोंदवली होती. त्यामध्ये त्याने त्याच्या भाच्यावरच आपल्या पत्नीला पळवून नेल्याचा आरोप केला होता. दरम्यान, ५ सप्टेंबर रोजी संध्याकाळी धनबादमध्ये या जोडप्याने विषप्राशन केल्याची माहिती महिलेच्या कुटुंबीयांना मिळाली. त्यानंतर महिलेच्या पतीने धनबाद येथे धाव घेतली मात्र तोपर्यंत या दोघांचा मृत्यू झाला होता. पोस्टमार्टेमनंतर ६ सप्टेंबर रोजी रात्री दोघांचा मृतदेह त्यांच्या घरी पोहोचला. महिलेच्या मृतदेहावर तिच्या कुटुंबीयांनी अंत्यसंस्कार केले.
दरम्यान, या युवकाचा मृतदेह जेव्हा घरी आणण्यात आला तेव्हा या युवकाच्या नातेवाईकांनी आक्रोष केला. तसेच या युवकाची हत्या झाल्याची शंका व्यक्त करत कोडरमा-गिरिडीह मुख्य रस्ता पहाडपूरजवळ बंद केला. त्यानंतर तिथे पोहोचलेल्या पोलिसांनी लोकांना रस्त्यावरून हुसकावून लावले. सोनू साव याची हत्या झाल्याचा आरोप आंदोलनकर्ते लोक करत होते. तसेच संबंधितांवर कारवाई करावी अशी मागणी त्यांच्याकडून करण्यात येत होती. मृत सोनू साव याचे वडील रामचंद्र साव यांनीही एसपींकडे निवेदन देऊन दोषींवर कारवाईची मागणी केली आहे. संबंधित महिलेचा पती रमेश साव, त्याचा भाऊ पंकज साव, दिनेश साव तसेच महिलेचे मामा यांनी त्यांच्या मुलाला बेदम मारहाण करून नंतर विष पाजून त्याची हत्या केल्याचा आरोप त्यांनी केला आहे.