उत्तर प्रदेशातील हरदोई येथे पत्नीच्या अवैध संबंधांमुळे संतापलेल्या पतीने पत्नीसोबत धक्कादायक कृत्य केलं आहे. पती बॉयफ्रेंडच्या घरी गेलेल्या महिलेच्या नाकाला चावला. महिलेचे गावातील एका तरुणाशी प्रेमसंबंध होते. ती बॉयफ्रेंडला भेटण्यासाठी त्याच्या घरी गेली होती. याच दरम्यान, माहिती मिळताच महिलेचा पती तिला घेण्यासाठी बॉयफ्रेंडच्या घरी पोहोचला. पतीने महिलेला समजावण्याचा खूप प्रयत्न केला, परंतु महिलेने नकार दिल्याने संतापलेला पती तिच्या नाकाला जोरात चावला.
घटनेनंतर महिलेचा बॉयफ्रेंडचा पोलीस ठाण्यात पोहोचला आणि संपूर्ण प्रकरणाची तक्रार केली. महिलेच्या पतीला अटक केली. तसेच महिलेला उपचारासाठी लखनौ मेडिकल कॉलेजमध्ये पाठवण्यात आले आहे. रामखेलावन याची पत्नी पूजा देवी हिचे गेल्या १० महिन्यांपासून त्याच गावातील रहिवासी सुशील कुमार याच्याशी प्रेमसंबंध होते. पत्नीच्या अवैध संबंधांमुळे रामखेलावन संतप्त झाला होता.
पत्नी बॉयफ्रेंडला भेटण्यासाठी त्याच्या घरी गेली. याच दरम्यान पतीही पोहोचला आणि त्याने हे टोकाचं पाऊल उचललं आहे. प्राथमिक उपचारानंतर महिलेला हरदोई मेडिकल कॉलेजमध्ये रेफर करण्यात आले तेथून तिला लखनऊ मेडिकल कॉलेजमध्ये रेफर करण्यात आले आहे. महिलेच्या तक्रारीवरून पोलिसांनी गुन्हा दाखल केला आहे आणि आरोपी पतीला अटक केली आहे.
महिलेने दिलेल्या माहितीनुसार, १० वर्षांपूर्वी तिचं लग्न झालं होतं, तिला दोन मुलं आहेत, त्यापैकी एक ७ वर्षांचा आणि दुसरा ९ वर्षांचा आहे. १० महिन्यांपासून तिचे त्याच गावातील सुशील कुमारशी प्रेमसंबंध आहेत. तिचा पती तिला जीवे मारण्याची धमकी देत असे. याचाच राग आल्याने ती तिच्या बॉयफ्रेंडच्या घरी गेली जिथे तिचा पती पोहोचला आणि त्याने तिच्यावर हल्ला केला.