हैदराबाद - उत्तर प्रदेशच्या हाथरसमधील सामूहिक बलात्कार प्रकरणाने देशभरात संतापाचे वातावरण निर्माण झाले आहे. आरोपींना कठोरातील कठोर शिक्षा करण्यात यावी अशी मागणी करण्यात येत आहे. मात्र याच दरम्यान बलात्काराच्या अनेक घटना या सातत्याने समोर येत आहेत. अशीच एक घटना तेलंगणाच्या निजामाबादमध्ये घडली आहे. एका 15 वर्षीय मुलीवर बलात्कार केल्याचा आरोप करत लोकांनी एका ढोंगी साधूला चांगलाच चोप दिला आहे.
मिळालेल्या माहितीनुसार, साधुने मानसिक आजारांवर उपचार करण्याच्या बहाण्याने मुलींवर अत्याचार केला आहे. पीडित मुलीच्या आई-वडिलांनीच तिला या साधुकडे नेलं होतं. ढोंगी साधूने आपल्याकडे दैवी शक्ती असल्याचा दावा करत मुलीवर यशस्वी उपचार करण्याचं आश्वासन मुलीच्या पालकांना दिलं. स्थानिकांनी दिलेल्या माहितीनुसार, गेल्या तीन महिन्यांपासून हा ढोंगी साधू पीडित मुलीवर उपचाराच्या नावावर लैंगिक अत्याचार करत होता.
काठ्या आणि झाडूंनी आरोपीला चांगलाच दिला चोप
एक दिवस अचानक मुलीच्या पोटात दुखू लागलं आणि त्यामुळे तिला रुग्णालयात नेण्यात आलं. डॉक्टरांनी तपासणी केल्यानंतर अल्पवयीन मुलगी गर्भवती असल्याची धक्कादायक माहिती समोर आली. ढोंगी साधू मुलीला दुसऱ्या रुममध्ये नेऊन नशेचे पदार्थ देत होता. त्यानंतर तिच्यावर अत्याचार करत असल्याची माहिती समोर आली आहे. या धक्कादायक घटनेची माहिती मिळाल्यानंतर काही महिला कार्यकर्ते आणि स्थानिक लोक आरोपीच्या घरी पोहचले आणि त्याला चांगलाच चोप दिला. लोकांनी काठ्या आणि झाडूंनी आरोपीची चांगलाच धुलाई केली आणि पोलिसांच्या ताब्यात दिलं.
पोलिसांनी ढोंगी साधूला केली अटक
धुलाईचा एक व्हिडिओही सोशल मीडियावर व्हायरल झाला आहे. पोलिसांनी ढोंगी साधूला अटक केली असून त्याच्याविरोधात बलात्कार आणि फसवणुकीच्या आरोपाखाली गुन्हा दाखल करण्यात आला आहे. पोलीस या प्रकरणाचा अधिक तपास करत आहेत. एका हिंदी वेबसाईटने याबाबतचे वृत्त दिले आहे. अमेरिकमध्ये बाप लेकीच्या नात्याला काळीमा फासणारी घटना समोर आली आहे. जन्मदात्या पित्यानेच आपल्या 10 महिन्यांच्या मुलीवर बलात्कार केल्याची भयंकर घटना घडली. धक्कादायक बाब म्हणजे बलात्कारानंतर मुलगी जिवंत आहे की तिचा मृत्यू झाला आहे हे कसं चेक करू? असं गुगलवर सर्च केलं आहे.
भयंकर! जन्मदात्याने केला 10 महिन्यांच्या मुलीवर बलात्कार; मुलीचा मृत्यू झाल्याचं कसं ओळखू?, गुगलवर केलं सर्च
अमेरिकेच्या पेनसिल्व्हेनियामध्ये मन हेलावून टाकणारी घटना घडली आहे. एका पित्याने आपल्या 10 महिन्यांच्या मुलीवर बलात्कार केला. बलात्कार केल्यानंतर मुलगी कोणतीच हालचाल करत नसल्याचं पाहून या आरोपीने गुगलवर मुलीचा मृत्यू झाला आहे की ती जिवंत आहे हे कसं कळेल यासंदर्भात सर्चही केलं. तसेच या धक्कादायक घटनेनंतर दोन तासांनी उपचारादरम्यान तिचा मृत्यू झाला. अंतर्गत गंभीर जखमा झाल्याने मुलीचा मृत्यू झाल्याची माहिती डॉक्टरांनी दिली आहे. पोलीस या प्रकरणाचा अधिक तपास करत आहेत.