Cruise Drugs Case :समीर वानखेडेंवर २५ कोटींचा बॉम्ब टाकणारा प्रभाकर साईल नेमका आहे तरी कोण?

By ऑनलाइन लोकमत | Published: October 24, 2021 06:56 PM2021-10-24T18:56:12+5:302021-10-24T19:01:19+5:30

Cruise Drugs Case : आर्यन खान प्रकरणात साक्षीदार असलेल्या प्रभाकर साईलने प्रतिज्ञापत्रं दाखल केलं आहे. त्यात त्यांनी अनेक धक्कादायक खुलासे केले आहेत.

Cruise Drugs Case : Who exactly is Prabhakar Sail who dropped a bomb worth Rs 25 crore on Sameer Wankhede? | Cruise Drugs Case :समीर वानखेडेंवर २५ कोटींचा बॉम्ब टाकणारा प्रभाकर साईल नेमका आहे तरी कोण?

Cruise Drugs Case :समीर वानखेडेंवर २५ कोटींचा बॉम्ब टाकणारा प्रभाकर साईल नेमका आहे तरी कोण?

Next
ठळक मुद्दे२२ जुलै २०२१ पासून गोसावीचा बॉडीगार्ड म्हणून तो काम करत आहे. पंच असूनही आता कुटूंबीयांना धोका असल्याने  सर्व सत्य सांगत आहेत असं प्रभाकर साईलनं कबुली दिली.

बॉलिवूड अभिनेता शाहरुख खानचा(Shahrukh Khan) मुलगा आर्यनला NCB ने मुंबई क्रुझ ड्रग्ज प्रकरणात(Mumbai Cruise Drugs Rave Party) अटक केली आहे. या प्रकरणातील साक्षीदार किरण गोसावीचा बॉडीगार्ड प्रभाकर साईलने या घटनेला वेगळचं वळण दिलं आहे. NCB ने धमकावून १० कोऱ्या कागदावर सह्या घेतल्या. किरण गोसावी गायब झाल्यापासून आपल्या जीवाला समीर वानखेडेंकडून धोका असल्याचं म्हटलं आहे. मात्र, एनसीबीला अडचणीत आणलेले हे प्रभाकर साईल कोण आहेत? हे पाहुयात.

प्रभाकर साईल हा किरण गोसावीचा बॉडीगार्ड म्हणून काम करत होता. आर्यन खान प्रकरणात साक्षीदार असलेल्या प्रभाकर साईलने प्रतिज्ञापत्रं दाखल केलं आहे. त्यात त्यांनी अनेक धक्कादायक खुलासे केले आहेत. किरण गोसावी आणि सॅम डिसूझाचं मी फोनवरील संभाषण ऐकलं होतं. २५ कोटींचा बॉम्ब टाका. १८ कोटीपर्यंत डील फायनल करू. त्यातील ८ कोटी रुपये समीर वानखेडेंना देऊ, असं या दोघांमध्ये संभाषण झाल्याचं आणि ऐकल्याचं साईल यांचा दावा आहे. 

नवाब मलिक म्हणतात, समीर वानखेडे यांना लक्ष्य केलं म्हणून मला धमकीचा फोन आला

Sameer Wankhede : समीर वानखेडे यांच्या नावाने बोगस ट्विटर अकाउंट

प्रभाकर राघोजी साईल (४०) हे अंधेरी पूर्वेकडे राहतात. ते किरण प्रकाश गोसावी यांचे बॉडीगार्ड आहेत. २२ जुलै २०२१ पासून गोसावीचा बॉडीगार्ड म्हणून तो काम करत आहे. ३० जुलै २०२१ रोजी तो गोसावीच्या ठाण्यातील हिरानंदानी इस्टेटमध्ये पहिल्यांदाच गेला होता. त्यावेळी इम्पोर्ट एक्स्पोर्टचा व्यवसाय असल्याचं गोसावीने त्यांना सांगितलं होतं. नंतर गोसावीने साईलची बॉडीगॉर्ड म्हणून नेमणूक केली होती. 

अनन्या पांडेने एनसीबीला दिला जबाब, म्हणाली, चॅटमध्ये ड्रग्स नाही तर सिगारेटबाबत बोलण झालं

क्रुझवर ड्रग्ज मिळाले की नाही याबाबत कल्पना नाही. परंतु या कोऱ्या कागदाचा वापर आर्यन प्रकरणात वापरण्यात आला. किरण गोसावी कुणासोबत तरी फोनवर बोलत होता. ज्यात २५ कोटींचा बॉम्ब ठेवल्याचा उल्लेख होता. ही डील १८ कोटींमध्ये सेटल होणार होती. ज्यातील ८ कोटी समीर वानखेडे यांना मिळणार होते. या संवादात शाहरुखची मॅनेजर पूजा दादलानीकडून पैसे घेण्याचा उल्लेख केला होता. पूजा फोन उचलत नव्हती असाही उल्लेख संवादात करण्यात आला होता.  

 

गोसावीने मला फोन केला आणि पंच म्हणून राहण्यास सांगितलं. एनसीबीने १० कोऱ्या कागदांवर माझी सही घेतली. तसेच मी गोसावींना ५० लाखांच्या दोन बॅगाही दिल्या होत्या, असंही प्रभाकर साईलनी सांगितले. १ ऑक्टोबर रोजी रात्री ९.४५ वाजता गोसावीने मला फोन केला होता. तसेच २ ऑक्टोबरला साडेसात वाजेपर्यंत तयार राहण्यास मला सांगण्यात आलं. गोसावींनी मला काही फोटोही पाठवले होते. नंतर त्याच फोटोमधील व्यक्तींचे फोटो मला दाखवण्यात आले आणि ग्रीन गेटवर ओळख पटवण्यास सांगितल्याची धक्कादायक माहिती देखील साईल यांनी दिली आहे.

एनसीबीच्या क्रूझवरील कारवाईवेळी एनसीबीचे अधिकारी, मी, किरण गोसावी आणि मनिष भानुशाली इतकेच उपस्थित होतो, अन्य कोणीही पंच उपस्थित नव्हते. माझ्या जीवाला धोका असल्याने सोलापूरला जाऊन राहिलो होतो. पंच असूनही आता कुटूंबीयांना धोका असल्याने  सर्व सत्य सांगत आहेत असं प्रभाकर साईलनं कबुली दिली.

Web Title: Cruise Drugs Case : Who exactly is Prabhakar Sail who dropped a bomb worth Rs 25 crore on Sameer Wankhede?

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app