Crime against 8 people including running a channel on YouTube for abusing doctors after being rushed to Covid Hospital | कोव्हीड रुग्णालयात घुसून डॉक्टरांना शिवीगाळ करणाऱ्या युट्युबवर चॅनल चालवणाऱ्यासह ८ जणांविरुद्ध गुन्हा 

कोव्हीड रुग्णालयात घुसून डॉक्टरांना शिवीगाळ करणाऱ्या युट्युबवर चॅनल चालवणाऱ्यासह ८ जणांविरुद्ध गुन्हा 

ठळक मुद्देतपासणीवेळी आफताब सह सोबतच्या लोकांनी  आरडा ओरडा चालवला. आफताबने तर डॉक्टरांना अर्वाच्च शिवीगाळ व दमदाट्या चालवल्या. उपचार केंद्रात आणि डॉक्टरांच्या कार्यालयात घुसून आफताब व त्याच्या साथीदारांनी गोंधळ घातला. 

मीरारोड - मीरा भाईंदर महापालिकेच्या महाजन कोविड उपचार केंद्रात घुसून डॉक्टरांना शिवीगाळ , धमक्या देऊन गोंधळ घालणाऱ्या एका युट्यूबवर चॅनल चालवणाऱ्यासह  ८ जणांविरुद्ध  तब्बल २५ कलमांखाली नवघर पोलीस ठाण्यात गुन्हा दाखल करण्यात आला आहे. 

 

महापालीकेने भाईंदर पूर्वेच्या इंद्रलोक वसाहतीमध्ये कोरोनाच्या रुग्णांवर उपचार करण्यासाठी प्रमोद महाजन सभागृहात कोविड उपचार केंद्र  सुरु केलेले आहे . ह्या ठिकाणी २०६ खाटा असून सध्या रुग्ण संख्या मोठी असल्याने सदर उपचार केंद्र हे पूर्णपणे भरलेले आहे . खाटा रिकामी नसल्याने रुग्णास अन्यत्र न्यावे लागते. 

 

बुधवारी रात्री ८ च्या सुमारास युट्युब वर चॅनल चालवणारा आफताब खान हा इम्तियाज खान व अन्य ६  ते ७ लोकांसह बळजबरी रुग्णवाहिकेसह कोरोना उपचार केंद्राच्या आवारात शिरला . रुग्णवाहिकेतील रुग्णाची त्यावेळी कर्तव्यावर असलेले डॉ. गौतम टाकळगावकर , डॉ. जय छटपार व डॉ .  नितीन जाधव आदींनी तपासणी सुरु केली . रुग्णाचा दाखल करण्या आधीच मृत्यू झाला होता . तपासणीवेळी आफताब सह सोबतच्या लोकांनी  आरडा ओरडा चालवला. 

 

आफताबने तर डॉक्टरांना अर्वाच्च शिवीगाळ व दमदाट्या चालवल्या. उपचार केंद्रात आणि डॉक्टरांच्या कार्यालयात घुसून आफताब व त्याच्या साथीदारांनी गोंधळ घातला.  मास्क सुद्धा त्यांनी घातले नव्हते . डॉक्टरांच्या कामात अडथळा आणला . आदी प्रकरणी डॉ. टाकळगावकर  फिर्यादी वरून नघर पोलीस ठाण्यात विविध कायदे नियमातील तब्बल २५ कलामांखाली आफताब व त्याच्या साथीदारांवर गुन्हा दाखल करण्यात आला आहे. 

Web Title: Crime against 8 people including running a channel on YouTube for abusing doctors after being rushed to Covid Hospital

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.