क्रूरतेचा कळस! वृद्ध काकाला भाच्याने जनावरांसोबत साखळीने बांधलं, अशी झाली अवस्था

By ऑनलाइन लोकमत | Published: September 11, 2020 10:56 AM2020-09-11T10:56:13+5:302020-09-11T11:03:08+5:30

65 वर्षांच्या काकांना भाच्याने जनावरांसोबत गोठ्यात साखळीन बांधून ठेवून मारहाण केल्याची धक्कादायक घटना समोर आली आहे.

chandigarh city nephew tied his elderly uncle in chains with animals | क्रूरतेचा कळस! वृद्ध काकाला भाच्याने जनावरांसोबत साखळीने बांधलं, अशी झाली अवस्था — क्रूरतेचा कळस! वृद्ध काकाला भाच्याने जनावरांसोबत साखळीने बांधलं, अशी झाली अवस्था

नवी दिल्ली - देशात कोरोनाने थैमान घातले आहे. मात्र याच दरम्यान अनेक धक्कादायक घटनाही सातत्याने समोर येत आहेत. अशीच एक मन हेलावून टाकणारी घटना समोर आली आहे. भाच्याने आपल्या वृद्ध काकाला जनावरांसोबत साखळीने बांधल्याचा भयंकर प्रकार समोर आला आहे. मिळालेल्या माहितीनुसार, पंजाबमधील पठाणकोट जिल्ह्यातील घियाला गावात नात्याला काळीमा फासणारी घटना घडली आहे. या घटनेने परिसरात खळबळ उडाली आहे.

65 वर्षांच्या काकांना भाच्याने जनावरांसोबत गोठ्यात साखळीन बांधून ठेवून मारहाण केल्याची धक्कादायक घटना समोर आली आहे. वृद्ध व्यक्तीच्या शरीरावर मारहाण केल्याच्या काही खुणाही पाहायला मिळाल्या आहेत. मानवाधिकार आयोगाने वृद्धाला मदत केली आहे. गावाचे सरपंच प्रवीण कुमार यांनी स्थानिकांच्या मदतीने या वृद्धाची सुटका केल्याची माहिती मिळत आहे.

वृद्ध व्यक्तीला न्याय मिळावा अशी मागणी

अनेकांनी या घटनेनंतर संताप व्यक्त केला आहे. तसेच याचा अधिक तपास केला जात आहे. गावच्या सरपंचांच्या वतीने मानवाधिकार्‍यांना याबाबत लेखी माहिती देण्यात आली असून वृद्ध व्यक्तीला न्याय मिळावा अशी मागणी केली जात आहे. तसेच मानवाधिकार प्रमुख राजा जुल्का यांनीही वृद्धाला न्याय देण्याचे आणि आरोपींवर कठोर कायदेशीर कारवाई करण्याचे आश्वासन दिले आहे. एक हिंदी वेबसाईटने याबाबतचे वृत्त दिले आहे.

माणुसकीला काळीमा! कोरोना पॉझिटिव्ह तरुणीवर रुग्णवाहिकेत बलात्कार

कोविड सेंटरमध्ये नेण्यासाठी आलेल्या रुग्णवाहिकेत कोरोना पॉझिटिव्ह तरुणीवर बलात्कार झाल्याचा भयंकर प्रकार समोर आला आहे. काही दिवसांपूर्वी केरळच्या पटनमिट्टामध्ये ही धक्कादायक घटना घडली. एका रुग्णवाहिकेत चालकानेच 19 वर्षीय कोरोना पॉझिटिव्ह तरुणीवर बलात्कार केल्याची घटना समोर आली. या घटनेमुळे परिसरात एकच खळबळ उडाली असून नागरिकांमध्ये संतापाचे वातावरण निर्माण झाले आहे. बलात्कारानंतर आरोपीने तरुणीला कोविड सेंटरमध्ये सोडले आणि तो पसार झाला.

विकृतीचा कळस! कोविड सेंटरमध्ये नेण्यासाठी रुग्णवाहिका आली पण रस्त्यात....https://t.co/dJjrL570TV #Rape #Crime #coronavirus #CoronavirusIndia
— Lokmat (@MiLOKMAT) September 6, 2020

तरुणीचा पाठलाग करणं भाजपा नेत्याला पडलं महागात, नातेवाईकांनी धू-धू धुतलं, Video व्हायरल

तरुणीचा पाठलाग करणं एका भाजपा नेत्याला चांगलंच महागात पडलं आहे. महिनाभरापासून भाजपाचा नेता तरुणीचा पाठलाग करत होता. तसेच आपल्याशी मैत्री कर असं सांगत तिला त्रास देत होता. मात्र जेव्हा तरुणीना हा संपूर्ण प्रकार घरी सांगितला तेव्हा तिच्या नातेवाईकांनी त्याची यथेच्छ धुलाई केली आहे आणि पोलिसांच्या ताब्यात दिलं आहे.मनीष पांडेय असं या भाजपाच्या नेत्याचं नाव असून तो कल्याणपूर भाजपा सेक्टरचा अध्यक्ष असल्याचं म्हटलं जात आहे. गेल्या एक महिन्यापासून मनीष तरुणीचा पाठलाग करत आहे. तरुणीला त्रास देत होता. शेवटी तरुणीने याबाबत घरच्यांना माहिती दिली. कुटुंबीयांनी मनीषला बोलावले आणि चपलेने त्याची धुलाई केली आहे. त्याला मारहाण करतानाचा एक व्हिडीओ सोशल मीडियावर जोरदार व्हायरल होत आहे.