म्हापसा - काणकोण येथे ब्रिटीश महिलेवर २०१८ साली झालेल्या बलात्कार प्रकरणात अटक करण्यात आलेला संशयित रामचंद्र यल्लापा कोलवाळ येथील केंद्रीय कारागृहातून मंगळवार सकाळी पळून जाण्याची घटना घडली आहे. हा कैदी दुसऱ्यांदा पळून जाण्याची घटना घडली आहे. कोलवाळ येथील कारागृह म्हापसा पोलिस स्थानकाच्या हद्दीत येत असल्याने त्याच शोध पोलिसांनी सुरु केला आहे. मागील महिन्याभरात कारागृहातून कैद्य फरार होण्याची ही दुसरी घटना आहे. हेमराज मौलाकरम भारव्दाज हा कैद्यी २५ ऑगस्ट रोजी कारागृहातून फरार झाला होता. त्याचा शोध घेण्यात अद्यापपर्यंत पोलिसांना अपयश आले आहे. सतत विविध कारणास्तव हे कारागृह चर्चेत राहिल्याने ते कारागृह आहे की तारांकित हॉटेल अशी चर्चा सुरु झाली आहे. कारागृहातील कैद्यांना सहजपणे उपलब्ध होणारे अंमली पदार्थ, कैद्यात होणारी सततची भांडणे, कैद्यांजवळ सापडणारे मोबाईल फोन यामुळे कारागृह चर्चेत राहिलेला आहे. अंदाजीत ४५० हून जास्त कैद्यी या कारागृहात कैद आहेत.दक्षिण गोव्यातील काणकोण तालुक्यात असलेल्या पाळोळे येथील समुद्र किनाऱ्यावर एका एका ब्रिटीश महिलेवर केलेल्या बलत्कार प्रकरणी यल्लापाला २० डिसेंबर २०१८ रोजी अटक करण्यात आली होती. त्यानंतर पळून जाण्याच्या प्रयत्न्त असताना मडगांव येथील रेल्वे स्थानकावर त्याला अटक करण्यात आलेली. या प्रकरणात त्याच्यावर दाखल झालेल्या आरोपपत्राची मडगांव येथील सत्र न्यायालयात सुरु होती. सुरु असलेल्या या सुनावणी दरम्यान शौचालयात जाण्याचा बहाणा करून तेथील खिडकीचे लोखंडी गाज वाकवून त्यांनी पळ काढला होता. त्यानंतर त्याला म्हापसा परिसरातील गीरी भागात पुन्हा अटक करण्यात आली होती. त्यानंतर त्याला कोलवाळ येथील कारागृहात ठेवण्यात आली होते. म्हापसा पोलीस निरीक्षक तुषार लोटलीकर यांनी दिलेल्या माहितीनुसार त्याचा शोध जारी असल्याचे सांगितले.
अन्य महत्वाच्या बातम्या...
युपी पोलिसांचा आणखी एक कारनामा, जेलमध्ये पाटवण्याची धमकी देऊन घेतली ऑनलाईन लाच
Disha Salian Death Case : मृत्यूपूर्वी दिशा सालियननं १०० नंबरवर कॉल केला होता का? मुंबई पोलिसांनी केला खुलासा
करोडो रुपयांच्या ड्रग्जसह सापडला पेडलर, बॉलिवूड कनेक्शनबाबत भांडाफोड होणार
गँगरेप! महिलेच्या अब्रूचे लचके तोडून बनवला व्हिडीओ अन् केला व्हायरल
महिलेला जबरदस्तीने दारू पाजली अन् उसाच्या मळ्यात केला सामूहिक बलात्कार
मासे खायला दिले नाहीत म्हणून पुतण्यांनी काकाला बेदम मारलं; मारहाणीत झाला मृत्यू
अनुराग कश्यपच्या अडचणीत वाढ?, पायल ओशिवरा पोलीस ठाण्यात करू शकते तक्रार दाखल
एटीएम फोडण्याचा डाव् उधळला, चार अल्पवयीन मुले ताब्यात
सुशांतच्या मृत्यूचे गूढ उकलण्याची शक्यता, सीबीआय आणि एम्सच्या टीमची उद्या महत्वपूर्ण बैठक
फेलिक्स दहाल हत्या प्रकरण सीबीआयकडेही प्रलंबितच, आईकडून चिंता व्यक्त