अल्पवयीन मुलगी रहस्यमयरित्या झाली गायब, आरमोरी पोलिस ठाण्यात गुन्हा दाखल
By दिलीप दहेलकर | Published: February 1, 2024 03:26 PM2024-02-01T15:26:27+5:302024-02-01T15:29:19+5:30
कुणीतरी अज्ञात इसमाने मुलीला फुस लाऊन पळवून नेले असल्याचा संशय मुलीच्या वडिलांनी पोलिसांना दिलेल्या तक्रारीत व्यक्त केला आहे.
![A minor girl mysteriously disappeared, a case was registered in Armory police station | अल्पवयीन मुलगी रहस्यमयरित्या झाली गायब, आरमोरी पोलिस ठाण्यात गुन्हा दाखल A minor girl mysteriously disappeared, a case was registered in Armory police station | अल्पवयीन मुलगी रहस्यमयरित्या झाली गायब, आरमोरी पोलिस ठाण्यात गुन्हा दाखल](https://d3pc1xvrcw35tl.cloudfront.net/images/840x630/rape-news-fb_2023111123101.jpg)
अल्पवयीन मुलगी रहस्यमयरित्या झाली गायब, आरमोरी पोलिस ठाण्यात गुन्हा दाखल
गडचिरोली : कुटंबियांना काहीही न सांगता घरातून निघुन गेलेली १६ वर्षीय मुलगी सायंकाळी परतली नाही. सर्वत्र शोधाशोध व नातेवाईकाकडे चौकशी करूनही मुलगी सापडली नाही, त्यामुळे तिच्या वडीलांनी थेट आरमोरी पोलिस ठाण्यात धाव घेत याबाबतची तक्रार दाखल केली.
आरमोरी पोलिस ठाण्याअंतर्गत येणाऱ्या एका गावातील इयता अकरावीला शिकणारी अल्पवयीन मुलगी २२ जानेवारी रोजी सकाळी ११ ते दुपारी १ वाजताच्या दरम्यान घरच्यांना काहीही न सांगता घरातुन निघुन गेली. ती सायंकाळपर्यंत घरी परतली नाही. त्यामुळे तिच्या आईवडील व नातेवाईकांनी तिचा सर्वत्र शोध घेतला परंतू ती सापडली नाही. घरी परत येईल, या आशेवर कुटुंबियांनी चार दिवस प्रतिक्षा केली. मात्र मुलीचा शोध न लागल्याने अखेर वडीलांनी पोलिस ठाण्यात तक्रार दाखल केली.
कुणीतरी अज्ञात इसमाने मुलीला फुस लाऊन पळवून नेले असल्याचा संशय मुलीच्या वडिलांनी पोलिसांना दिलेल्या तक्रारीत व्यक्त केला आहे. अल्पवयीन मुलगी व अज्ञात आरोपी कुणाला सापडल्यास पोलिसांना माहिती द्यावी, असे आवाहन आरमोरी पोलिसांनी केले आहे.
तक्रारीवरून आरमोरी पोलिसांनी २८ जानेवारी रोजी गुन्हा दाखल केला असून या प्रकरणाचा तपास सुरू आहे, अशी माहीती पोलिस उपनिरीक्षक विनय गोडसे यांनी ‘लोकमत’शी बोलताना दिली.
गावालगतचा मुलगाही गायब?
गायब झालेली अल्पवयीन मुलगी ही अकरावीला शिकत असून ती गावानजीकच्या शाळेत जाते. तिच्या गावालगतच्या एका गावातील मुलासोबत तिचे सूत जुळले होते, सदर प्रेमप्रकरणातून दोघेही गायब असल्याची खमंग चर्चा परीसरात आहे.