छत्रपती संभाजीनगर: राज्यातील २९ महानगरपालिकांच्या मतमोजणीला आज सकाळी १० वाजल्यापासून सुरुवात होत असतानाच छत्रपती संभाजीनगरमध्ये मोठा तणाव निर्माण झाला आहे. येथील शासकीय पॉलिटेक्निक कॉलेजमधील मतमोजणी केंद्रावर आत शिरण्यासाठी गर्दी करणाऱ्या शिवसेनेच्या (शिंदे गट) कार्यकर्त्यांवर पोलिसांनी सौम्य लाठीमार केला. या गोंधळात माजी महापौर विकास जैन यांनाही पोलिसांच्या लाठीचा फटका बसला असून काही कार्यकर्ते जखमी झाले आहेत.
पॉलिटेक्निक कॉलेज येथील केंद्रावर मतमोजणीची तयारी सुरू असताना उमेदवारांचे प्रतिनिधी आणि कार्यकर्त्यांनी मोठ्या प्रमाणात गर्दी केली होती. अनेकांकडे निवडणूक आयोगाचे अधिकृत ओळखपत्र नसल्याने पोलिसांनी त्यांना प्रवेश नाकारला. यावरून पोलिसांशी कार्यकर्त्यांची हुज्जत सुरू झाली. वारंवार सूचना देऊनही कार्यकर्ते ऐकत नसल्याने आणि सुरक्षा व्यवस्था धोक्यात आल्याने पोलिसांनी जमावाला पांगवण्यासाठी लाठीमार सुरू केला.
विकास जैन यांना मारहाण
गर्दी नियंत्रण करण्यासाठी पोलिसांनी लाठीचार्ज केला. याच्यामध्ये शिंदे सेनेचे चौघेजण जखमी झाले आहेत. त्यात माजी महापौर विकास जैन यांच्या हाताला गंभीर दुखापत झाली असून उमेदवार राजू राजपूत यांचे चिरंजीव हे देखील मारहाणीत जखमी झाले आहेत. पोलिसांवर कारवाई करण्यात यावी, या मागणीसाठी शिंदे सेनेच्या सर्व उमेदवारांनी ठिय्या आंदोलन सुरू केले आहे, दरम्यान या प्रकरणांमध्ये उपमुख्यमंत्री एकनाथ शिंदे यांनी देखील जखमींशी फोनवर संपर्क साधला असून अद्याप उमेदवारांचे प्रतिनिधी मतमोजणी केंद्रात गेलेले नाहीत.
पोलिसांना कसली मस्ती आहे मतदान मोजण्यासाठी आलेल्या प्रतिनिधींवर लाटी चार्ज करणे ही कुठली कायदा आणि व्यवस्था आहे.
- पालकमंत्री संजय शिरसाट
Web Summary : Tension flared in Chhatrapati Sambhajinagar as police used mild force to control Shiv Sena workers surging into a counting center. Former mayor Vikas Jain was reportedly injured in the melee. Protests erupted, demanding action against the police before vote counting resumes.
Web Summary : छत्रपति संभाजीनगर में मतगणना केंद्र पर शिवसेना कार्यकर्ताओं की भीड़ को नियंत्रित करने के लिए पुलिस ने लाठीचार्ज किया। पूर्व महापौर विकास जैन घायल। पुलिस कार्रवाई की मांग को लेकर प्रदर्शन, मतगणना रुकी।