औरंगाबाद : सायकेलिस्ट फाऊंडेशनच्यावतीने शहरातून सायकल फेरीच्या माध्यमातून राजमाता जिजाऊंचे विचार व शिकवणुकीबद्दल जनजागृती करण्यात आली.
या सायकल फेरीत बाल शिवाजींच्या वेशभूषेत तन्मय व्यवहारे, बाल जिजाऊंच्या वेशभूषेत वेदश्री शिंदे, गायत्री पतंगे, आरुषी गावंडे तसेच डॉ. क्रांती व्यवहारे सहभागी झाल्या होत्या. वसंतराव नाईक महाविद्यालयापासून ‘जय जिजाऊ, जय शिवराय’च्या जयघोषात या सायकल फेरीला सुरुवात झाली. यावेळी सायकेलिस्ट फाऊंडेशनचे अध्यक्ष डॉ. विजय व्यवहारे, डॉ. रवींद्र देशमुख, पोलीस उपनिरीक्षक अमोल देशमुख यांच्या हस्ते जिजाऊंच्या प्रतिमेस पुष्पहार अर्पण करण्यात आले.
याप्रसंगी ॲड, श्रीनिवास साळुंके यांनी जिजाऊंच्या जीवन कार्यावर विचार मांडले. यावेळी फाऊंडेशनचे सचिव अनंत ढवळे, विजय कटके, धीरज पाटील, जयंत सांगवीकर, पराजी जाधव, रूपेश शिंदे, सुप्रिया जाधव, डॉ. अजिंक्य मिस्त्री, विनायक सरोदे आदींची प्रमुख उपस्थिती होती. ही सायकल फेरी आकाशवाणी चौक, क्रांती चौक मार्गे, पैठण गेट, गुलमंडी येथून परत क्रांतीचौक, आकाशवाणी मार्गे गेली व पुढे जालना रोडवर विसर्जित करण्यात आली.