क्रेडाईची नवीन कार्यकारिणी जाहीर

औरंगाबाद : बांधकाम व्यावसायिकांची संघटना कॉन्फडरेशन ऑफ रिअल इस्टेट डेव्हलपर्स असोसिएशन ऑफ इंडिया (क्रेडाई) औरंगाबादची नवीन कार्यकारिणी जाहीर करण्यात आली आहे. अध्यक्षपदी आर्कि. नितीन बगडिया, तर सचिवपदी अखिल खन्ना यांची निवड करण्यात आली आहे. मंगळवारी नवीन कार्यकारिणीचा पदग्रहण सोहळा ऑनलाइन पद्धतीने होणार आहे.

उर्वरित कार्यकारिणीत उपाध्यक्ष विकास चौधरी, भास्कर चौधरी, संग्राम पटारे, अनिल मुनोत, आशुतोष नावंदर, सुनील बेदमुथा, इंद्रजित थोरात. सहसचिव सुनील राका, अजित बापट, रोहित सूर्यवंशी. कोषाध्यक्ष अनिल अग्रहारकर, सहकोषाध्यक्ष बालाजी येरावार. पीआरओ सुशील धूत, सहसमन्वयक पंजाब तौर, अखिल भालेकर. संचालक मनोज रुणवाल, गोपेश यादव, विनोद अग्रवाल, प्रशांत अमिलकंठवार, समीर मालखरे, भावेन सुखिया, नीलकंठ नागपाल. युथ विंग समन्वयक सौरभ गुप्ता, वूमेन विंग समन्वयक श्वेता भारतीया यांचा समावेश आहे.

ही नवीन कार्यकारिणी पुढील दोन वर्षांसाठी निवडण्यात आली आहे. मंगळवारी सायंकाळी आयोजित ऑनलाइन पदग्रहण सोहळ्यात संघटनेचे माजी अध्यक्ष नरेंद्रसिंग जबिंदा, सुनील बेदमुथा व अन्य पदाधिकारी नवीन कार्यकारिणीकडे पदभार सोपविणार आहेत. याप्रसंगी क्रेडाई महाराष्ट्रचे अध्यक्ष (इलेक्ट) प्रमोद खैरनार, क्रेडाई महाराष्ट्रचे माजी अध्यक्ष राजेंद्रसिंग जबिंदा, सुनील पाटील, क्रेडाई महाराष्ट्रचे माजी उपाध्यक्ष रवी वट्टमवार, ज्येष्ठ सदस्य पापालाल गोयल, देवानंद कोटगिरे, प्रकाश मालखरे, जुगलकिशोर तापडिया, संजय कासलीवाल आदी ऑनलाइन सहभागी होणार आहेत.