सिडको ते मुकुंदवाडी रेल्वे स्टेशन रस्त्याचे काम सुरू

क्रांतीचौक उड्डाणपुलावर खड्डे

औरंगाबाद : क्रांतीचौक उड्डाणपुलावर वळणाला खड्डे पडले आहेत. परिणामी, वाहनचालकांना खड्डे वाचवीत वाहन चालवावे लागत आहे. पुलावरील खड्ड्यांमुळे अपघात होण्याची शक्यता नाकारता येत नाही.

वॉटरकूलर दुरुस्तीची मागणी

औरंगाबाद : जिल्हाधिकारी कार्यालयात विविध कामांसाठी आलेल्या अभ्यागतांसाठी पिण्याच्या पाण्यासाठी लावण्यात आलेले वॉटरकूलर बंद पडले आहेत. सदरील कूलर दुरुस्त करण्याची मागणी अभ्यागतांनी जिल्हा प्रशासनाकडे केली आहे.

रात्रीच्या वेळी अतिक्रमण

औरंगाबाद : पुंडलिकनगर रोडवर रात्रीच्या वेळी हातगाडीचालकांचे अतिक्रमण वाढत चालले आहे. रस्त्यावर दैनंदिन वस्तू आणि भाजीपाला खरेदी-विक्रीसाठी नागरिक वाहनांसह गर्दी करतात. त्यामुळे इतर वाहनांना रस्त्यावरून जाताना जागा शिल्लक राहत नाही. परिणामी, किरकोळ अपघात होण्यात वाढ होऊ लागली आहे.

त्या रस्त्याच्या दुरुस्तीची मागणी

औरंगाबाद : जालना रोडवरील अग्रसेन चौक ते एन-५ जलकुंभाकडे जाणाऱ्या रस्त्याच्या दुरुस्तीची मागणी नागरिकांनी केली आहे. त्या रस्त्यावर मोठे खड्डे पडले आहेत, तसेच ड्रेनेजचे पाणीदेखील रस्त्यावर येऊन साचत असल्यामुळे नागरिकांना नाक बंद करून रस्त्याने चालावे लागते.