वाळूज येथे मर्चंट नेव्हीतील अधिकाऱ्याचा अपघाती मृत्यू

दुचाकी व ट्रकच्या अपघातात गंभीर जखमी झालेल्या एका युवकाचा आज पहाटे उपचार सुरु असताना मृत्यू झाला. घनश्याम वासुदेव आघाव (२३ ) असे मृताचे नाव असून तो बकवालनगर (ता.गंगापूर) येथील रहिवासी होता. 

वाळूज महानगर (औरंगाबाद ) : दुचाकी व ट्रकच्या अपघातात गंभीर जखमी झालेल्या एका युवकाचा आज पहाटे उपचार सुरु असताना मृत्यू झाला. घनश्याम वासुदेव आघाव (२३ ) असे मृताचे नाव असून तो बकवालनगर (ता.गंगापूर) येथील रहिवासी होता. 

या विषयी अधिक माहिती अशी की, घनश्याम आघाव हा इराण येथे मर्चंट नेव्हीत आॅफीसर म्हणुन नोकरीस होता. ८ जुलै रोजी तो सुटी घेऊन आपल्या मुळगावी बकवालनगर येथे आला होता. गुरुवारी रात्री औरंगाबाद-नगर महामार्गावर दुचाकीवरून (एम.एच.२० डी.क्यु.१३५९ ) तो घराकडे निघाला. रात्री ९ वाजेच्या दरम्यान बजाज आॅटो कंपनीजवळ त्याला पाठीमागुन भरधाव वेगाने येणाऱ्या ट्रकने ( क्रमांक एम.एच.-१९, झेड.१२६८ ) जोरदार धडक दिली. यात घनश्यामचा डावा पाय निकामी होऊन तो घटनास्थळीच बेशुद्ध पडला. यानंतर त्याला उपचारासाठी शासकीय रुग्णालयात दाखल करण्यात आले. मात्र उपचारा दरम्यान त्याचा आज पहाटे मृत्यू झाला.