जिल्ह्यात शुकशुकाट

जिल्ह्यातील चंद्रपूरसह नागभीड, ब्रह्मपुरी, चिमूर, सिंदेवाही, सावली, वरोरा, राजुरा, भद्रावती, जिवती, कोरपना, पोंभूर्णा, गोंडपिपरी, मूल, बल्लारपूर या सर्वच तालुक्यासह गडचांदूर, घुग्घुस, कोठारी, विसापूर, चंदनखेडा, नवरगाव, नेरी, शेगाव या मोठ्या गावांमध्ये स्वयंस्फूर्त जनता कर्फ्य १०० टक्के यशस्वी केला. अनेक ठिकाणी पोलिसांनी सतर्क राहण्याच्या सूचना केल्या. विशेष म्हणजे, कामगार, शेतकरी, मजूरांसह अन्य सर्वच घटकांतील लोकांनी घरीच राहणे पसंत केले.

ठळक मुद्देगजबजलेले चौक होेते शांत : घंटानाद करून वाढविले प्रोत्साहन

लोकमत न्यूज नेटवर्कचंद्रपूर : कोरोना व्हायरस पासुन होणाऱ्या प्रदुभार्वामुळे जिल्ह्यात कडकडीत बंद पाळण्यात आला. शहर, गावे, वस्त्या, वाडे अक्षरश: निर्मनुष्य झाल्याचे चित्र रविवारी बघायला मिळाले. नागरिकांनी स्वयंफूर्तीने बंदमध्ये सहभाग घेतला.जिल्ह्यातील चंद्रपूरसह नागभीड, ब्रह्मपुरी, चिमूर, सिंदेवाही, सावली, वरोरा, राजुरा, भद्रावती, जिवती, कोरपना, पोंभूर्णा, गोंडपिपरी, मूल, बल्लारपूर या सर्वच तालुक्यासह गडचांदूर, घुग्घुस, कोठारी, विसापूर, चंदनखेडा, नवरगाव, नेरी, शेगाव या मोठ्या गावांमध्ये स्वयंस्फूर्त जनता कर्फ्य १०० टक्के यशस्वी केला. अनेक ठिकाणी पोलिसांनी सतर्क राहण्याच्या सूचना केल्या. विशेष म्हणजे, कामगार, शेतकरी, मजूरांसह अन्य सर्वच घटकांतील लोकांनी घरीच राहणे पसंत केले. गारपीट व अवकाळी पावसामुळे शेतकरी त्रस्त असतानाच देशावरील आलेल्या संकटावर प्रथम मात करण्यासाठी जनतेनी एकजुट दाखविली. चंद्रपूरसह इतर शहरातील पानठेले, चहाटपरींसह इतर प्रतिष्ठानेही यापूर्वीच बंद केली होते. त्यामुळे केवळ शुकशुकाटच होता. आमदार किशोर जोरगेवार यांनी आपल्या कुटुंबासह घरी थांबून जुने फोटो अल्बम बघितले. असेच काहीचे चित्र प्रत्येक घरात होते.चंंद्रपूर जिल्ह्यातील परसोडा (कोरपना) महाराष्ट्र-तेलंगणा सीमेवर दोन्ही बाजूतील वाहतूत बंद करण्यात आली. त्यामुळे चंद्रपूर- आदीलाबाद या अत्यंत वर्दळीच्या राष्ट्रीय महामार्गावरही शुकशुकाट बघायला मिळाला. एरवी सेकंदा सेकंदाला धावणारी भरधाव वाहनाची चाके थांबली होती. महामार्ग निर्मनुष्य होते. शनिवारी रात्री दहा वाजतापासून खबरदारीचा उपाय म्हणून तेलंगणा आणि महाराष्ट्र सरकारने सीमा सील केल्या. सीमेवरून महाराष्ट्र, तेलंगणा, आंध्र प्रदेश, कर्नाटक, तामिळनाडू, केरळ, कर्नाटक, मध्य प्रदेश, गुजरात, छत्तीसगड पासून ते ओरिसा राज्यापर्यंत माल वाहतूक केली जाते. यामुळे दोन्ही बाजूने वाहनाच्या रांगाच रांगा लागल्या होत्या. कोरपना तालुक्यातील सिमेंट, कोळसा खाण आदी उद्योगाची मालवाहतूक पूर्णत: ठप्प पडली होती. दरम्यान, दोन्ही राज्य सरकारने दोन्ही बाजूने मोठा पोलीस बंदोबस्त ठेवला होता. दरम्यान, सायंकाळी गावागावात घंटानाद करून अत्यावश्यक सेवेसाठी जे झटत आहे. त्यांचे प्रोत्साहन वाढविण्यासाठी घंटानाद करून त्यांना प्रोत्साहन देण्यात आले. यामध्ये मात्र महिलांचा विशेष सहभाग दिसून आले. जिल्ह्यातील ग्रामीण भागातही नागरिकांनी घंटानाद केला. तर जिल्हा प्रशासनाच्या वतीनेही जिल्हाधिकारी कार्यालयामध्ये जिल्हाधिकारी कुनाल खेमनार, सीईओ राहूल कर्डिले यांच्यासह अन्य अधिकाऱ्यांनी सहभाग घेत टाळ्या वाजवून प्रोत्साहन दिले.सेवानिवृत्तांचीही घेणार शासन मदतजिल्ह्यामध्ये कोरोना विषाणूंचा प्रादुर्भाव रोखण्यासाठी व उद्रेक सदृश्य परिस्थिती हाताळण्यासाठी पूर्वतयारी म्हणून जिल्हा प्रशासनाच्या अंतर्गत शासकीय, महापालिका, नगरपालिका, आर्म फोर्सेस (मेडिकल कॉर्प) मधून सेवानिवृत्त झालेले. परंतु, आरोग्य सेवा देण्यास सक्षम असणाºया डॉक्टर्स, परिचारिका व आरोग्य कर्मचाºयांना उपलब्ध करून घेण्याबाबत आॅनलाइन अर्जाद्वारे इच्छुकता मागविता येणार आहे.रुग्णांच्या नातेवाईकांची फजितीरविवारी सकाळपासूनच सर्वत्र बंद पाळण्यात आल्यामुळे शुकशुकाट होता. दरम्यान, चंद्रपूर येथील जिल्हा सामान्य रुग्णालय परिसर तसेच मेडिकल कॉलेज परिसरातील संपूर्ण रेस्टारंट आणि हॉटेल बंद असल्यामुळे रुग्णांसोबत असलेल्या नातेवाईकांची चांगलीच पंचाईत झाली. रात्री ९ नंतर काही हॉटेल उघडेल, या आशेवर असलेल्या रुग्णांच्या नातेवाईकांची निराशा झाली. सामान्य रुग्णालयातून केवळ रुग्णांसाठी जेवण मिळाले. मात्र त्यांच्यासोबत असलेल्यांचा रविवारी सकाळपासूनच उपासमार झाली. रात्री रुग्णालयाबाहेर अनेक बाहेरगावातील रुग्णांचे नातेवाईक कुठूनतरी खायला काही मिळेल यासाठी धडपड करत होते. बोटावर मोजण्याइतक्याच रुग्णांना ओळखीच्या नागरिकांकडून जेवण मिळाले.