चंद्रपूर जिल्ह्यातील प्राथमिक शाळेचे छत कोसळले; विद्यार्थी सुरक्षित

भद्रावती तालुक्यात असलेल्या आष्टी येथील जिल्हा परिषदेच्या प्राथमिक शाळेचे छत १४ जानेवारी रोजी अचानक कोसळले.

लोकमत न्यूज नेटवर्कचंद्रपूर: भद्रावती तालुक्यात असलेल्या आष्टी येथील जिल्हा परिषदेच्या प्राथमिक शाळेचे छत १४ जानेवारी रोजी अचानक कोसळले. यावेळी सर्व विद्यार्थी व शिक्षक प्रार्थनेसाठी पटांगणात उभे असल्याने कुठल्याही प्रकारची जिवीतहानी झाली नाही वा कुणी जखमी झाले नाही.या शाळेची वास्तू ही जवळपास ३५ वर्षे जुनी असल्याचे सांगितले जाते. सकाळच्या वेळेस विद्यार्थी प्रार्थना करत असताना शाळेचे सिमेंटचे छत अचानक कोसळले. या शाळेत पहिली ते सातवीपर्यंतचे वर्ग भरतात व विद्यार्थी संख्या ७० च्या घरात आहे. या घटनेने जि.प.शाळांमधील विद्यार्थ्यांची सुरक्षितता मात्र पुन्हा ऐरणीवर आली आहे.