Chandrapur Marathi News | चंद्रपूर मराठी बातम्या | Latest Chandrapur News in Marathi | चंद्रपूर ताज्या बातम्या | Chandrapur Crime Marathi News | चंद्रपूर ब्रेकिंग न्यूज़| Breaking & Live Chandrapur News | Chandrapur Local News Update| Today's Chandrapur News paper

लोकमत न्यूज नेटवर्कचंद्रपूर : जिल्ह्यात अनेक ठिकाणी धबधबे असल्याने निसर्गाच्या सान्निध्यात जाऊन काही वेळ घालविणाऱ्यांची पावले त्याकडे वळत आहेत. पावसाळ्यात अनेक जण धबधब्यांना भेट देऊन निसर्गातील आनंदाचा लाभ घेतात. काहींना सेल्फी काढण्याचा मोह आवरत नाही. काळजी घेतली नाही तर हा मोह अपघाताला कारणीभूत ठरू शकते. तलाव, धरणाच्या सांडव्यावर सेल्पी काढण्याचा प्रयत्न करताना काहींचा जीव गेल्याच्या घटना यंदा घडल्या आहेत. वन विभाग, पोलीस प्रशासन आणि पाटबंधारे विभागाकडून या स्थळांवर प्रतिबंधात्मक उपाययोजना करण्याची गरज आहे.स्थानिकांचे ऐकायला विसरू नका- प्लॅनिंगशिवाय धबधब्याला भेट देऊ नका. संपूर्ण माहिती नसताना जाण्याचा अति शहाणपणा टाळा. फोटो काढायला आवडत असेल तर सुरक्षित काढा.- स्थानिकांचे ऐकायला विसरू नका. त्यांना त्याची जास्त माहिती असते. - जंगलातील धबधब्याचे पाणी कधीही वाढू शकते. पर्यटकांनी तिथे पोहण्याचा प्रयत्न करू नये, असे आवाहन वन विभागाने केले. धोक्याची सूचना देणारे कुणीही नाही- जिवती व कोरपना तालुक्यात १२ पेक्षा अधिक धबधबे आहेत. पावसाळ्यात तेथील दृश्य नयनरम्य असते. पर्यटनाच्या दृष्टीने विकास झाला नाही. धोक्याची सूचना देणारे तिथे कुणीही राहत नाहीत.पर्यटनाला जा, पण काळजी घ्या...अमलनाला- कोरपना तालुक्यात जांबूळझरा, बोदबोदी, खडक्या, सावलहिरा, भस्म नागाची खोरीतील धबेधबे प्रसिद्ध आहेत. भिमलकुंड, टांगाडा, सिंगारपेठ, अमलनाला येथेही प्रचंड गर्दी असते. काळजी घेतली नाही तर जीव जाऊ शकतो.घोडाझरी - नागभीड तालुक्यात घोडाझरी प्रकल्प व धबेधबे आहेत. घोडाझरीत खबरदारीचे पलक आहेत. मात्र, अन्य ठिकाणी नाहीत.मद्यपान किंवा धूम्रपान करणे टाळा. उंचावरील धबधब्यांना भेट देताना काळजी घ्यावी.मुक्ताई- चिमूर तालुक्यातील मुक्ताई धबधबा पर्यटकांचे पसंतीचे ठिकाण आहे. येथे विदर्भातील अनेक ठिकाणांहून पर्यटक येतात. शासनाकडून सुरक्षेच्या कोणत्याही सुविधा नाहीत

Chandrapur (Marathi News)