ताडोबा सफारीचे आजपासून ऑनलाईन बुकिंग सुरू

Chandrapur News कोरोनाचा प्रादुर्भाव टाळण्यासाठी खबरदारीचा उपाय म्हणून आजपासून ऑनलाईन बुकिंग सुरू करण्याचा निर्णय ताडोबा व्यवस्थापनाने घेतला आहे.

लोकमत न्यूज नेटवर्क

चंद्रपूर : कोरोनाचा प्रादुर्भाव टाळण्यासाठी खबरदारीचा उपाय म्हणून आजपासून ऑनलाईन बुकिंग सुरू करण्याचा निर्णय ताडोबा व्यवस्थापनाने घेतला आहे.

बफर झोनमधील पर्यटन १६ ते ३० सप्टेंबर २०२१ पर्यंत सुरू राहणार आहे. सफरीसाठी सकाळी ६ ते १० वाजता आणि दुपारी २. ३० ते सायंकाळी ६. ३० पर्यंत वेळ ठरविण्यात आली आहे. सर्व सफारीचे आरक्षण ऑनलाईन पद्धतीनेच करावे लागणार असून, त्यासाठी शुल्क निश्चित करण्यात आले आहे.