ओबीसी अस्मिता रॅलीने ब्रह्मपुरी शहर दुमदुमले

याप्रसंगी राष्ट्रीय ओबीसी महासंघाचे महासचिव सचिन राजूरकर, राष्ट्रीय ओबीसी कर्मचारी संघटनेचे राजाध्यक्ष श्याम लेडे, ज्येष्ठ सल्लागार रामराव हरड, तालुक्यातील ओबीसी अधिकारी कर्मचारी महासंघ शाखा ब्रम्हपुरीचे पदाधिकारी, ओबीसी समाजतील नागरिकांची यावेळी उपस्थिती होती.

ठळक मुद्देनागरिकांचा प्रतिसाद : विविध गावांत रॅलीचे स्वागत, ओबीसी जनगणना करण्याची मागणी

लोकमत न्यूज नेटवर्कब्रम्हपुरी : राष्ट्रीय ओबीसी महासंघाद्वारे आयोजित अस्मिता रथयात्रेचे ब्रह्मपुरी तालुक्यात स्वागत करण्यात आले. दरम्यान ब्रह्मपुरी येथील जनजागृती रॅली काढण्यात आली. त्यानंतर गंगाबाई तलमले महाविद्यालयाच्या प्रांगणात समारोप करण्यात आला.याप्रसंगी राष्ट्रीय ओबीसी महासंघाचे महासचिव सचिन राजूरकर, राष्ट्रीय ओबीसी कर्मचारी संघटनेचे राजाध्यक्ष श्याम लेडे, ज्येष्ठ सल्लागार रामराव हरड, तालुक्यातील ओबीसी अधिकारी कर्मचारी महासंघ शाखा ब्रम्हपुरीचे पदाधिकारी, ओबीसी समाजतील नागरिकांची यावेळी उपस्थिती होती.तालुक्यात या रॅलीचा अड्याळ टेकडी येथून प्रारंभ झाला. वायगाव, चोरटी, भगवानपूर, तुलानमाल मार्गे गांगलवाडी, रुई, निलज, पाचगाव किन्ही, बेटाळा, सोनेगाव, सावलगाव, चिंचोली, सुरबोडी येथून ब्रम्हपुरी येथे हुतात्मा स्मारक याठिकाणी पोहचली. त्यानंतर मुख्य मार्गाने मार्गक्रमण करीत गंगाबाई तलमले महाविद्यालयात रॅलीचे सभेत रूपांतर झाले.याप्रसंगी शाम लेंडे, प्रा. प्रकाश बगमारे, भाऊराव राऊत, प्रा. डॉ. हितेंद्र धोटे, मोंटू पिलारे, प्रा. डॉ. राकेश तलमले, सभापती रामलाल दोनाडकर, सरपंच ज्ञानेश्वर भोयर आदींची उपस्थिती होती. राष्ट्रीय जनगणनेत ओबीसींची जातीनिहाय जनगणना करण्यात यावी अन्यथा बहिष्कार टाकला जाईल, असा इशारा यावेळी देण्यात आला. प्रास्ताविक बुराडे, संचालन चौधरी, आभार पितेश्वर शिवणकर यांनी मानले. यावेळी मोठ्या संख्येने नागरिक उपस्थित होते.‘अस्मिता’ रथाचे वरोऱ्यात स्वागतवरोरा : ओबीसी जनगणना अस्मिता रथ यात्रा २ मार्च २०२० पासून संपूर्ण जिल्हाभर जनजागृती करण्याकरिता निघाली आहे. सदर यात्रेचे वरोरा तालुक्यात स्वागत करण्यात आले. तालुक्यातील वनोजा, पांझुर्णी, वंधली, माढेळी, येवती, वाघनख, चिकणी, डोंगरगाव, टेमुर्डा या गावांना भेटी देवून पत्रके वाटण्यात आले. त्यानंतर वरोरा येथे सभा घेण्यात आली. यावेळी अध्यक्षस्थानी अ‍ॅड. जयंत ठाकरे, राष्ट्रीय ओबीसी महासंघांचे सचिन राजूरकर, मदनराव ठेंगणे, अनिल झोटिंग, लक्ष्मण गमे, अ‍ॅड. प्रदीप बुरान, दत्ता बोरेकर, प्रा. रूपालाल कावळे, जावेद पाशा, छोटूभाई शेख, किशोर डोमकावळे, लता हिवरकार, आशिष घुमे, वसंत राखुंडे, श्याम लेडे, डॉ. नगराळे, पुंडलिक कौरासे, केवलराम निखाडे, अशोक टिपले, आदींची उपस्थिती होती.