ऑक्सिजन उत्पादक उद्योग संचालकांचा सत्कार

भांदक येथील श्री पार्श्वनाथ मंदिराच्या इमारतीत ट्रस्टच्या सहकार्याने कोरोना हेल्थ सेंटर व्यवस्थित सुरू आहे. या प्रेरणादायी कार्याबद्दल श्री पार्श्वनाथ मंदिरचे ट्रस्टी भिकमचंद बोरा, कोठारी व डाॅ. सातभाई यांचा सत्कार करण्यात आला. चंद्रपूर एम.आय.डी.सी.स्थित ईशान गोयल यांच्या आदित्य गॅसेस व भारत गौर यांच्या रुक्मिणी गॅसेस प्लांटला अहीर यांनी भेट देत चंद्रपूर जिल्ह्यातील कोविड रुग्णांसाठी ऑक्सिजनचा पुरवठा करून रुग्णांचे जीव वाचवण्यात तुमचे योगदान असल्याचे सांगत प्लांटमालकांचा शाल व श्रीफळ देऊन सत्कार केला. या ऑक्सिजन पुरवठ्याचा पुन्हा विस्तार करून समोरही ही सेवा सुरू ठेवून रुग्णांची सेवा करा, जिल्ह्यातील रुग्ण, रुग्णांचे परिवार व नागरिक आपले सदैव ऋणी राहतील, अशा भावना यावेळी हंसराज अहीर यांनी व्यक्त केल्या.